هذا آخر بوست عن رحلة تركيا ٢٠١٣
اللي ماكان شايف التقارير السابقه هذي اهي من اول يوم
اليوم الاول
اليوم الثاني
اليوم الثالث / الجزء الاول – الجزء الثاني
اليوم الرابع
اليوم الخامس / الجزء الاول – الجزء الثاني
اليوم السادس
هاليوم قررنا نروح الجراند بازار
سوق مغلق من معالم تركيا واللي يروح تركيا لازم يمره
سكيك واكثر من ٤٥٠٠ محل يبيعون بضايع مختلفه
اكسسوارات وشالات وبهارات واواني منزليه وجلود وفوريرات وسجاد وغيره
الكل يقول اسعار البضايع فيه اغلى من برا السوق كونه مكان يجذب السياح فالبياعين يستغلون الفرصه
العقود كنت رايحه ودي بجم واحد بس من كثر ماشفتهم معلقين بالسوق بكل مكان مادري ليش هونت هههههه
الشالات عندهم وايد حلوه
محلات الحلويات بكل مكان والحلقوم موجود بكل مكان وبمذاقات مختلفه
تذكارات
هالريال يحليله شريت منه شال وقالي صوريني
جناط التقليد عندهم على افا من يشيل

فناجين القهوه اللي هبوا فيهم بالكويت مكودين هناك واشكال اتينن
وهذي بعض الاشياء اللي شفتها بالبازار بعد
شاورما تركيه
القطاوه بكل مكان
بعدها خذينا تاكسي ورحنا شارع نيسانتشي او شي جذي ماني متأكده من نطقها عدل
لقينا مجمع وتغدينا نودلز
كان سبب وجودنا بهالشارع سكه كلها بوتيكات ومالقيناها الا بطلعة الروح كل مانسأل مو عارفين
مشكله التفاهم معاهم
طيارتنا كانت بالليل فلازم العصر نكون بمطار صبيحه
وماكنا ندري انه المطار جذي بعيد وصادفتنا زحمه قعدنا على اعصابنا
الحمدلله وصلنا المطار قبل لا يسكرون الكاونتر وتطير عنا الطياره هههههه
وهذي كانت كل السفره وخلصنا التقرير بحمد الله 🙂