اللي ما قرى الجزء اللي قبله هذا الرابط – اضغط هنـا
نكمل معاكم اليوم الثالث 🙂
بعد القرية الريفية قلنا للمرشد نبي الشلال قال في شلالين واحد صغير وقريب هذا اللي يروحون له السياح لأنه يمه مطاعم وقعدات والثاني وايد بعيد بس كبير
قال انا انصحكم بالصغير لأنه اقرب وتقدرون تنزلون تحطون ريلكم فيه ونمشي للغدا ورحنا للصغير
بصراحه ما يسوى العنوه جنه نافورة ولازم مكرم السامع تودون معاكم نعال واحنا ماحسبنا حساب هالشي فصورناه من بعيد ومشينا
وصار وقت الغدا ومدح لنا مطعم قريب من الشلال اسمه Dere
قعدته حلوة بالهوى الطلق ويمه مجرى الشلال بس الاكل عادي ماعجبنا وايد
انا ادمنت لبن هناك ههههه منعش
وهذا الاكل وصل
وختامها ضيافتهم المعهوده الجاي التركي بالاستكانه
هالشجرة غصونها غريبة كانت مضلله علينا ما شاء الله
بعدها مرينا على منحل اسمه Aytekin Aricilik
عندهم انواع كثيرة من العسل وتقدرون تذوقون وكل نوع يقولون لكم يعالج شنو
والريال يحليله يتكلم عربي مكسر يعني راح تفهمون عدل 🙂
العرب ما بقى مكان بالمنحل مو كاتبين عليه ذكرى حتى السقف هههههه
عقب المنحل رحنا محل خاص للجلود والفريرات
اسمه Fabrika Kircilar
تلقون عنده بوالطو ومنتجات جلدية كثيرة وفريرات حلوة
وآخر مكان رحنا له سوبر ماركت خاص بالحلويات عندهم الحلقوم اشكال والوان وشعر البنات لذيذ يشوق و وايد انواع حلويات تركية وبقلاوه
هذا الحلقوم
4 comments
Comments are closed.