يمعتنا هالاسبوع كانت بأحضان الوفـرة .. من زماااان عن الوفره
ولما انعزمت هالمره ماقدرت اقاوم اني ما استمتع بمزرعة حلوة في قلب الوفره فعلى طوووول قلت اي اي انا رايحة معاكم 😉
بالطريج للوفره ويم الجليعه الطيارات الورقية بألوانها الحلوة مزينة السما
والبعارين يحلوهم كاشخين اول مره اشوف بعير لابس جذي 🙂
ومن دخلنا خط الوفرة بدت البقيات والبانشيات تهل علينا .. بهالشارع الواحد يخاف عسى الله يحفظهم
كن رفيجي !! بكل مكرم السامع زباله محول علبه طوفة هالعباره موجوده على نمط كن صديقي 😛
واخيراااا وصلنا المزرعه والجو خيااااال
واليهال انتشروووووو اسم الله عليهم
وريدات الوفره
سوبرمان الوفره 😛
حبتج العافية نونووو 😉
وبعد الفرارة والتمشي انمدت السفره وطاح الغدا 
البرياني الزين يم يم
معكرونية وكان في السفره صواني وايد بس بصراحه اليوع كافر 
تميرات
ومايحتاج اقولكم يمعه ومزرعه و وناسه .. من قال السالفة مافيها خراب وبلعه :/
عقب الغدا بنص ساعه لقينا هالطاولة اللي عليها مالذ وطاب تنطرنا برا
القهوه التركية كانت حاضره
احلى شي بالمزرعه ردتنا للطفولة فجأة صرنا نلعب كرة يد ومره كرة قدم وفجأة بدعنا ببودي الوانيت اللي بالمزرعه وداشين من خيمه وطالعين من خيمة وصفقه واغاني 🙂
ومن ظلمت الدنيا وبدا اجو يبرد شبينا الشبوب وتدفينا حوالينه
وهذا وقتج يالكستنه 
الطريقة الحديثة لتقديم البوب كورن الكويتي 😛 
وبعد هالبلعه و الوناسه تلفزيون الكويت كانوا حاطين حلقة بيوم البحار و يايبين وحده من الفرق الشعبيه النسائية ويا زين السامري طلعنا الاثواب وسمرنا على الله اقوى يا نصيببي انا وش بيدي كل ما عدلت واحد يميل الثاني 😀
خوش طلعه وخوووش يمعه وخوش جو وخوش اكل .. اكرمكم الله وعساه بيت (مزرعه) عامر 😉
