عوار الاسنان و السوس احد الاشياء اللي المفروض ما نسكت عنها وعلى طول نراجع طبيب الاسنان علشان مانوصل مرحلة مانقدر نتحمل فيها الالم او حتى شكل السن
من 3 سنين كان عندي مشكله بالعصب وبعد علاجة تكيسلت اني احط الحشوة الدائمة فأنكسر الضرس وماكان يعورني فكل يوم اقول باجر اروح لما دخل السوس بالسالفة وصار شكل الضرس مأزمني
لكن هم لخوفي من طبيب الاسنان ما رحت سويته
لله الحمد ربي رازقني بصديقات يخافون علي ويفكرون فيني وياخذون لي مواعيد حتى لطبيب الاسنان عسى الله لا يخليني 🙂
صديقتي انسام رتبت لي موعد عند مركز دسمان لطب الاسنان وقالت لي لا تخافين دكاترتهم شطار وبيحلون سالفة ضرسج وبعد كلام انسام ماكان لي كلام بتروحين يعني بتروحين 
وصلت برج التجارية وصعدت لي الطابق ال 11 مكان مركز دسمان
وصلت الاستقبال وعطيتهم اسمي وماقصروا رحبوا فيني وبما اني يديدة عطوني ابلكيشن اعبيه 
العيادة وايد هادية والوانها مريحة تهدي الاعصاب والمنظر وايد حلوو
موفرين مكاين للنسكافيه والاسبريسو والماي والتفاح الاخضر للزوار حلوة الفكرة خصوصاً اذا احد ياي مع المريض وبينطره يستمتع بكوب قهوة على ما يخلص المريض 
وصلت السستر وحدها ويهها مريح يحلوها وخذتني لغرفة الفحص
المعدات كلها حديثة والعيادة مرتبة
وصل الدكتور نائل الهزيم (المدير العام و
أخصائى جراحة الوجة والفم والفكين) ورحب فيني مشاء الله عليه غشمرجي ودمه خفيف والله نسيت الخرعه صج صج الرجل المناسب في المكان المناسب
طبيب الاسنان لازم يعطي جو للمريض ويطلعه من الستريس او التوتر لان مجرد التفكير بادوات فحص الاسنان وصوتها تييب الرقعه اللي كانت حايشتني ذاك اليوم
وحلولي مشكلة البرد مع هالبلانكيت حد الدلع دسمان مشكورين 🙂 
بعد مافحصني دكتور نائل قالي لازم اشعه وخذتني السستر غرفة الاشعه
الاجهزة يديدة وسهالة الحمدلله مو نفس اجهزة الاشعه القديمه 
وهذي الاشعه طلعت على الشاشة
وبهالوقت وصل الدكتور عبدالله وقالي بنرجع نعيد علاج العصب خصوصاً ان الضرس صارله 3 سنوات وفعلاً بدا علاج العصب ومشاء الله ايده حدها خفيفة والعوار كان خفيف ليلتها بس ومجرد حبتين مسكن وكانت الامور تمام والصبح ماكان فيني شي لله الحمد 
بعدها بأسبوع رحت لهم علشان اكمل العلاج وكان بإنتظاري الدكتور عادل وهني تأكدت مقولة انه دكاترة دسمان شطار لأن فعلا كمل لي الدكتور عادل العلاج مشاء الله عليه بدون عوار وبدا ياخذ مقاسات للتاج اللي بيتلبس مكان الضرس 
بعد جم يوم ان شاء الله موعدي الياي لتثبيت الوتد مكان السن واكيد في البوستات الياية بقولكم شصار معاي وبراويكم النتيجة اللي ناطرتها من 3 سنين 🙂
و الحمدلله خوفي خف ومتأكدة بكون بأيد امينه بعد ما شفت الشغل العدل مع دكاترة دسمان لطب الاسنان
كل الشكر لدكتور نائل الهزيم, دكتور عادل ودكتور عبدالله عساكم على القوة ويعطيكم الف عافية
Location : Al Soor St, AlTijaria Tower – 11th Floor Al Murqab
Tel : 22968444
FB (Link) Twitter (@DasmanDental)
الحمدالله على السلامه
عندي جم استفسار
هل حسيتي بأبرة البنج ؟
ثاني جم كلفتج ؟
الله يسلمك اخوي .. لا مشاء الله الابر اللي قزوني اياها كلش ماحسيت فيها
اما التكلفة فتنسيق الموعد كان بدعوه من مركز دسمان فمادفعت شي وان شاء الله اهم يفيدونك اكثر بتكلفة العلاج
Zain sawat feech Ansam! Ur tooth was black min il soos!
Bs damich betrakbeen watad shloon? A new tooth wella crown over the tooth???
aham shay el kanbal :p
loool raa7 al black ebredoooooh mskeeen
it will be a crown enshallah 5athaw alqias o b3d tarkeb alwatad y36oni mw3ed for the crown enshallah
ee alkanbaaal wanasaaa walla defeeet 5osh service wallah y7eloohum 🙂
لووووووول
نفس مشكلتي بالضبط
شلت العصب قبل ثلاث سنوات وتميت بالحشوه المؤقته للحين ماغيرتها
والمشكله حيييل مضايقتني بس الكسل اعوذ بالله الواحد يروح لكل مكان علا وناسته بس علا صحته يهمل رووحه << اتكلم عن نفسي
دام انتي جربتي دسمان بتوكل علا الله وبروح لهم بس توني والده بنطر لما ارتاح شوي وببلش بالعلاج
عاااد هالله هالله بالبوست الياي نبي النتيجه النهائيه
ويستحسن مع صوره قبل وبعد
ان شاءالله تكون النتيجه عاجبتج
والف الحمدالله علا السلامه
الحمدلله على سلامتج ومبروك ما ياج
ان شاء الله البوست الياي اكمل تجربتي معاهم وباذن الله تستفيدين
مع الاسف قبل ما صورت بس ان شاء الله بحط صورة الضرس بعد التلبيس
dr.Na2l 3ajeeeeb!!!
salamat dear
الله يسلمج سنعه 🙂
Ana le youmich hatha akhaf mn el dentists o ma wedy aroo7 ma3a ina i need to 3ashan arakeb taqweem bs elmoshkila akhaf o maby yeshle3only ethroosi :/ O foog hatha akhaf… wedy eb mokan ya36onich hatha el mokhader etnameeen etgomen ela emkhalsen ethrosich 😛
loool atwaga3 akoo bs jacqui dasman 3jebeen wallah ro7i estesharaah first o shofaay shegolech al dr
يتعاملون مع تامين الكويت؟؟
مادري حبيبتي تقدرين تتصلين فيهم وتستفسرين
Comments are closed.