يمعتنا هالاسبوع كانت بأحضان الوفـرة .. من زماااان عن الوفره
ولما انعزمت هالمره ماقدرت اقاوم اني ما استمتع بمزرعة حلوة في قلب الوفره فعلى طوووول قلت اي اي انا رايحة معاكم 😉
بالطريج للوفره ويم الجليعه الطيارات الورقية بألوانها الحلوة مزينة السما
والبعارين يحلوهم كاشخين اول مره اشوف بعير لابس جذي 🙂
ومن دخلنا خط الوفرة بدت البقيات والبانشيات تهل علينا .. بهالشارع الواحد يخاف عسى الله يحفظهم
كن رفيجي !! بكل مكرم السامع زباله محول علبه طوفة هالعباره موجوده على نمط كن صديقي 😛
واخيراااا وصلنا المزرعه والجو خيااااال
واليهال انتشروووووو اسم الله عليهم
وبعد الفرارة والتمشي انمدت السفره وطاح الغدا
معكرونية وكان في السفره صواني وايد بس بصراحه اليوع كافر
ومايحتاج اقولكم يمعه ومزرعه و وناسه .. من قال السالفة مافيها خراب وبلعه :/
عقب الغدا بنص ساعه لقينا هالطاولة اللي عليها مالذ وطاب تنطرنا برا
احلى شي بالمزرعه ردتنا للطفولة فجأة صرنا نلعب كرة يد ومره كرة قدم وفجأة بدعنا ببودي الوانيت اللي بالمزرعه وداشين من خيمه وطالعين من خيمة وصفقه واغاني 🙂
ومن ظلمت الدنيا وبدا اجو يبرد شبينا الشبوب وتدفينا حوالينه
الطريقة الحديثة لتقديم البوب كورن الكويتي 😛
وبعد هالبلعه و الوناسه تلفزيون الكويت كانوا حاطين حلقة بيوم البحار و يايبين وحده من الفرق الشعبيه النسائية ويا زين السامري طلعنا الاثواب وسمرنا على الله اقوى يا نصيببي انا وش بيدي كل ما عدلت واحد يميل الثاني 😀
خوش طلعه وخوووش يمعه وخوش جو وخوش اكل .. اكرمكم الله وعساه بيت (مزرعه) عامر 😉
احنا اللي استمتعنا وااااااااااااايد معاج يالغالية..عليج بالف عافية
فديتكم :*
الله يعافيج
عليكم بالعافية
الله يعافيج 🙂
الف عافيه تستاهلون والله هل وناسه عشانكم ونيسين وتونسون
allah e3afech 7bebty teslmeen
حلوه هذه الاجواء والاحلى الاستمتاع فيها
خصوصا اذا مزرعه فمثلا العاب و مسابقات
ركوب الخيل و غيرها من النشاطات
و من خلال التقرير يوجد فقط نشاط واحد
وهو الاكل 🙂
عليكم بالعافيه
لووول الله يعافيك
سلام عليكم
شنو هذا الي فوق الكستنة ؟؟؟
شنو طريقة يديدة؟؟؟
شكرا
وعليكم السلام .. لا مو طريقة يديدة بس قاصين الكستنه شوي بالسجين وطالع الماي
عليكم بالف عافية ربي يمعكم علي الفرح دوم ان شالله ولا يفرق بينهم
اشالله خوش مزرعة وصج يوم الجمعة والسبت مال كشتة الجو يهبل
لازم هالبلعة ولا ماتحسين نفسج طالعة مكان
ولازم هالكستنة الطيبة مع الفحم
Mashallah, 3alaikom bel 3afya 🙂
الله!!! توني أشوووووف لووووووول سوبرمان الوفرة.. يا حلو هاليوم يعطيج العااافية و تنعاد إن شاء الله :*
الله يعافيج حبيبتي .. ان شاء الله نعيده 🙂
Comments are closed.