اللي متابعين تجربتي مع مركز دسمان لطب الاسنان من خلال البوست الاول (اضغط هنـا) يسألون وايد شصار على ضرسي !
كانت لي تقريبا 3 مراجعات لدسمان بعد البوست الاول بالمراجعه الاولى شافني دكتور عادل وبدا يشتغل على زرع الوتد في مكان الضرس ومابي اجذب واقولكم مايعور كان يعور بس العوار اللي الواحد يستحمله مايخرع
وبعد ما طلعت خذيت مسكن وخف العوار بس ما اقدر اكل ناحيته واذا حشت مكانه احس بنغزة مو اكثر
المراجعه اللي بعدها كان موعدي عند دكتور عبدالله وبعد ما شاف الضرس والمفروض ياخذ المقاسات من تحت اللثة لكن مع الاسف بلغني الدكتور ان الجرح من زرع الوتد ما التأم عدل لأن الضرس كان وايد تعبان 🙁 الاهمال ومايسوي 3 سنين مو شوية اكيد تعبان الا رايح فيها انا ادري 🙁
الدكتور سوالي غرزة بسيطة حسيت بعوارها حزتها بس والصبح العوار راح كلش 
بموعدي الاخير شال الدكتور عبدالله خيط الغرزة سهالــــه الحمدلله وقالي توكلي على الله وعطاني اجازة 3 اسابيع ماقصر
على ما يرد ضرسي لصحته ويلتأم الجرح عدل مدل علشان يبدي بأخذ المقاسات بالشكل الصحيح 
اللي سألوني شرايج بشغلهم اقولكم الحمدلله انا مرتاحة معاهم, دكاترة شطار والالم لابد منه لكن خفيف كلش
وبإنتظار موعدي القادم السنة الياية شهر 1 😉
واكيد بكمل في بوستات ياية مراحل علاج ضرسي معاهم 
Location : Al Soor St, AlTijaria Tower – 11th Floor Al Murqab
Tel : 22968444
FB (Link) Twitter (@DasmanDental)
احلى شي بالبوست ظفرج باخر صورة 😛
Cool I’m now happy with Bayan Dental! 🙂
اجر وعافيه ماعليج شر
نصيحه مجرب تمضمضي بماي وملح
انا عندي مشكله بضرسي شاكة انه عصب ان شاء الله بمرهم حسيت من البوست انج مرتاحه معاهم شكلهم شطار
مشكورة عالتقرير بوديلهم ولدي ضرسه العقل ماذيه
Comments are closed.