تمت دعوتنا من قبل المطعم اللبناني الجديد أوبرجين لتجربة اطباق العشاء لديهم

المطعم يقع في السالمية شارع سالم المبارك

اول ما وصلنا رحب فينا الاخ جورج نصار مدير المطعم وخيرنا نقعد بقسم المدخنين او غير المدخنين وطبعاً اختيارنا كان لمكان غير المدخنين

وايد حبيت انهم فاصلين مكان المدخنين عن غيرهم كلياً خصوصا ان المطعم يقدم الشيشة

المكان ديكوره حلو بسيط والنقوش ناعمة والاضاءة بالثريات اللي تحمل الطابع الشرقي على الحائط رائعه

المنيو به العديد من الاطباق اللبنانية اللذيذة اضافه الى بعض الاطباق الخاصة بمطعم اوبرجين بالخلطة السريه سواء كان من مقبلات او مشاوي وسلطات وعصائر الى الحلويات

شوربة العدس .. احلى شوربة عدس ذقتها لي الحين عجيييييبة والكل اجمع انها 100% انصح فيها وبقوة

سلطة اوبرجين .. وايد لذيذة فيها بيديان ومشروم وفلفل اصفر وجرجير وجبن برميزان والدريسنق خلطه سريه وايد عجيبة

الفتوش هم كان لذيذ وحبيت طريقتهم في وضع قطع السمبوسة اللبنانية الميني وداخلها سماق يم يم ناااطعه

تبولة ايضاً عجيبة

الخبز اللبناني الحاااار

طلبنا يكون المتبل والحمص بدون زيت وكانوا وايد لذيذين

حمص اوبرجين موووووصج اللي يروح لازم لازم يجربة السر بهاللي فوق قطع من البصل صايرين وايد ضعاف وطعمهم نفس الاونيون رينق ومع الصنوبر والحمص خطيييرررر

ورق عنب

بطاطا حره هم كانت نااايس

عرايس اختي وايد استانست عليه

مسخن رولز .. عجيييب وايد حبيته

مشاوي مشكله .. وايد لذيذ ولحمهم ترف

شاورما دياي ولحم هم كان لذيذ

بعد ما ريحنا نظفولنا الطاولة استعدينا للسويت

نزلوا لنا تشكيله من الحلويات العجيبة الخاصة فيهم

كنافة بالايس كريم

وايد لذيذة وغريبة كنافة بالبوظة العربية الملونة مع قطع الفستق والفراولة

عيش السرايا بالايس كريم هم كانت حلوة بس حبيت الكنافه اكثر

أم علي طبقي المفضل من الحلويات العربية .. كانت لذيذة بس شوية باردة يبيلها تسخين اكثر

بقلاوة مشكله

مهلبية .. عجيبة عجيبة نصيحة لازم تجربونها اختي خلصتها ما خلتني اذوق الا قفشة 🙂

كل الشكر لمطعم اوبرجين ومدير المطعم الاخ جورج نصار على حسن الضيافة .. مطعم ممتاز وان شاء الله على طول بنكون من زواركم 🙂

يعطيك الف عافية شيف شادي صعب الاكل كان قمــة شيف لبناني 5 نجوم مشاء الله عليك  

المطعم يديد لكن قدرتوا تصيرون توب لست عندي وبالنسبة لي المركز الاول بالاكل اللبناني في الكويت من نصيبكم برافووو 

Aubergine is located at Salmiya, block 2, Salem almubarak st, behind Olympia, on Quiznos and Buffalo’s building, second floor 

Tel : 25749222

Site Link