كل ما امر الجابرية من صوب الدائري الرابع المح مطعم ابو سليم ويشوقني
والاسبوع اللي طاف كنت مع رفيجتي مارين وقلت يالله خنجرب اكلهم
طلبنا المنيو وكان كله اكل شامي حمص وفول وقدسية والخ وشدني انهم يبيعون اطباق بالفخار بس ماكان عندنا وقت نجرب الفخار كنا نبي شي سريع بالسياره
طلبنا ساندويتش فلافل بوسليم وفـول
وحد الذرابة مغلفينهم بالورق وحاطينهم داخل علبه تشبة علبة الفرايز
الصمونة مشاء الله راهية تكفي وتزيد وترفة ب 250 فلس
حبيت انه حشوتهم ماليه الصمونة مو طرارة والطعم واااايد لذيذ ذكرني بمطاعم اول
حتى المخلل نزاكة حاطينه بعلب مو بجياسة
ابو سليم, الجابرية , الدائري الرابع بجانب كنفاني
Tel : 25348101
جربته مره
ماقدر اقول عنه حلو او مو حلو لاني مو زود مع الفلافل عموما
بس اهلي قالوا حلو :p
زين لوول يعني حلو 😉
Comments are closed.