طرحت ماركة زقرتي صديريات رجاليه شتويه بخامات متعددة في 52 دقريز
ويقدمون لكم 52 دقريز بزمات رجالية فنتق على 20 فلس كويتية 🙂
52 Degrees Located : Shuwaikh, Al tilal complex
New KitKat is here
بعد جولة في جمعية بيان والتمجل حق البيت وانا احاسب لفت نظري هالكتكات اليديد .. اكبر من الصبع العادي بو اربع بشوي بس طويل مثل الجانكي كتكات
عاد قلت مايمنع نجرب وكان نفس الطعم بس مقسم لاربع قطع 
TopShop SHEEP HOTTIE
مع كولكشن الشتا توب شوب منزلين العاب بأشكال مختلفة خروف ودب ونمر وغيرهم لكن المميز فيهم ان داخلهم اعشاب ولافندر تدفي في الشتا بدال المطارة شلون ؟؟
ندخل اللعبة المايكرويف لمدة اقصاها دقيقة وتطلع داااافيه وتطلع ريحة لافندر 🙂
انا خذيت خروف كيوووت ووعليه دخلته المايكرويف
بعد دقيقة في المايكرويف كان دااااافي بس حسافه شوية و رد عادي 🙁
سعره 5,500 دك
For Online Order click here
Update
المفروض اني ادخل بس الجيس اللي فيه الافندر للمايكرويف مو كل اللعبة @@ الحمدلله ماصار شي
غلطتي ماقريت التعليمات مستعيلة من البرددد .. عدت على خير لله الحمد
شكرا لنزهاوية ومارك على التنبيه
Sweeter Matin
Our Dinner @ Slider Station
الاسبوع اللي طاف انا والبنات كنا طالعين واخترنا نتعشى في سلايدر ستيشن .. مشاء الله زحمه وطابور بس المكان قالولي المكان يستاهل ننطر ونطرنــا ثلث ساعه والحمدلله فضت طاولة
اجواء شتوية واضاءة خافته بس الميوزك مينونة حبيتهاااا 😀
بما اني اول مره ادخل المطعم تركت حرية الاختيار لدوديت ورين
الشي الوحيد اللي اخترته السموثيز لأني كنت عطشانه بعز البرد مادري شلون
كان خطير وكبير ماشربت منه الا شوية والباقي الويتر حطلياه تيك اوي يعني غصب شربيه لووول الصراحه استمتعت فيه بالطريج لي البيت
السلطة كانت خطيرة مع الاسف مادري شسمها
فرايز مع الجلابينو والجبن واللحم وااااايد لذيذ
دوديت طلبت لنا ديناميت ومد نايت سلايدر اما رين فطلبت فلافل سلايدر وكلهم عجيبين
وصلنا للسويت .. قالنا الويتر انهم منزلين طبق يديد عباره عن ناتشوز الجوكليت مع الايس كريم فقلنا نجربة
لذيذذذ طعمه ذكرنا ببسكوت ايس كريم فضة
والطبق الثاني كان الجوكليت بودينق .. مع الجو الباااارد كان اختيار موفق جداً لأن الطبق حااااااااار وناطع
دايما الطلعه معاكم حلوة ومشكورة كويت رين اكرمج الله
Slider is located opposite Al Seef Palace on Gulf Road
FB (Link) Twitter (@sliderstation)
العشا في المباركية يا بنات الحجية
الاسبوع اللي طاف وتحديداً في تايم لاين تويتر كتب عمر العثمان عن الهبة اليديدة في دلق سهيل المباركية .. ومن قال كنا نبي الشاره فجأة دشينا بسوالف عن دلق سهيل وتواعدنا انا والبنات على العشا 🙂
وصلت انا وابلة نورة لدلق سهيل وتفاجأنا انه ماكو دوة وفحم للجاي !! ليش ؟ مادري ؟! والخدمة صايرة ولا ابيزة طلبنا الجاي الساعه 5 وصل لنا الساعه 6 الا ربع !! اي شي
قررنا نغير المطعم Danderma, Froyonation, The side talk بعد وصول
وماقصرت دندرمة دارت على المطاعم الموجودة تدور دوة وحصلنا عند مطعم واحد بس
الاختيار كان عند الشاطر حسن وكان فعلاً شاطر دوة جاي شزينة وسرعه في الخدمة وجابلونا عدل
المطعم يقدم المشويات والمقبلات والحمسات والعصاير فقط بس ماقصر الويتر قالنا اي شي تبونه اييبه لكم من مكان ثاني
Q8rain و Swera وبعدها اكتمل العدد مع
ووصلت الدوة وعليها الجاي يحلوها تدفي كان برددددد
والمشويات اللذيذة .. شيش طاووق وكبــاب
القطوة الظريفه اللي خرعت دندرمة وكويت رين 😛
وفجأة واحنا قاعدين ولا نسمع اغاني وطنية .. كشخه طلع عندنا نافورة .. خوش قعده والله واندمجنا مع الاغاني يزينج يالكويت
البرد كان قتااااال ذاك اليوم وهذي سويرة متلثمة
الطلعة كانت تينن خصوصاً اني ما اروح المباركية الا من شتا لي شتا .. القعده اتينن والبنات زوغه والسوالف عجيبة لاززززم نعيدها ان شاء الله 🙂