كنت كاتبه بوست عن اسمة العيد قبل غير لاحظت مشاء الله نسبة دخول هالبوست كبيرة والكل ولهان على ايام اول وطرت على بالي فكره
ليش احنا نصور ؟؟ اكيد علشان نوثق ايامنا وذكرياتنا الحلوة صح ؟! شفايدة الصور واهي محطوطة بألبومات ومحد يدري عنها
قلت بطلع لي جم البوم واحط لكم بعض الصور الخاصة بأيام الثيمانينات واسولف من الذكريات الخاصة واكيد في اشياء بهالصور بتذكركم حتى انتوا في بعض الاشياء اللي كل الكويتيين يسوونها او عندهم اياها بذيج الفتره الحلوة
شفتوا الحصالة بالصورة الاولى ؟ ماعتقد اكو بنت او ولد ماكان عنده هالحصاله العجيبة بألوانها الوردي والازرق والقفل السكة اللي نقص على روحنا انه قفل لوول بس والله كنا نيمع فيها شحليلنا انا محتفظة فيها لي الحين بس القفل مادري وينه ضاع
الصورة الثانيه ماتذكر وين بالضبط بس كان في شي بالكويت مسوينه علشان مجلس التعاون ومزهلقينا ومسنعينا ومودينا الروضة انا اللي لابسه ازرق 😀
ياحلو حفلات اول صج تونس والاهالي مايترددون لحظة بأن بناتهم يشتركون 
هالدراريع اكو بنت مالبستهم ؟؟ كاشخين فيهم بالبيت كل الالوااااان لا تقولون ما مروا عليكم لوول
ياحلو كيك وبوفيهات اول شي بسيط .. الكيكة المفروض انها تكرمون جلب او خروف بس هذا اللي طلع معاهم وكنااا يانين عليها 
اكشخ خ خ خ سنافر اول غير ههههههه هذا اعتقد بوحده من الحفلات الكشخه للاطفال بالفنادق
صج الزمن تغير شفتوا كاميرة الفيديوو قبل شكبرها وثقيييييله وداخلها شريط بيتاميكس الله يذكره بالخير .. على فكره انا ليلحين عندي فيديو واشرطة بيتاميكس ترااااث لوول
زولية أم كلثوم كشخه ايام الثمانينات خخخخخ
يا حلوك يا بيبسي الثمانينات مدربح شزينه
حتى الهدايا كانت غير خصوصا اول الثمانينات وكانت الدولز كبااااار كل وحده عروستها اطول منها 
شفتوا هالدنيا والعفسة كنت توني مسوية عمليه اللوز ومابقى شي خاص بالباربي ماتدلعت وخذيته 
هني بالحج اعتقد شكوو موديني مادري نزقه .. اللي عرفته انه يدتي وامي الله يرحمها مارضوا يخلوني بالكويت لأني وايد متعلقة فيهم فرحت وصرت دلوعة الحمله 
شفتوا النزاكة ايام الثمانينات ترى كشخه حتى احنا ديزني وسوالف
كريستيان ديور كان عامل عمايله من ذيج الايام ومتسيد كل الماركات 
منو الكسلانه اللي مالبست شريطة امتياز الوردية ؟؟؟ ترى كانت هالشريطة البسيطة قمة الدافع لنا بالدراسه علشان نكشخ فيها ونفرح اهلنا .. يازين بساطتنا اول
شي لابد منه الحنـــــــــــــــة وااااي ما احبها لا بالايد ولا بالراس بس كان غصب شوفوا اخيتي وعليه ملغوصين راسها فيها ومربطة بغترة الوالد لوول وعليه
بس تبون الصج شعورنا كانت تينن من كثر الشعر وكثافته .. مو بنات الحين جيل الاكستنشن 
الوقفة خطيرة .. الظاهر اخيتي بتحر رفيجاتها لووول كشخه لبس الزهرات ايام اول .. الحين في زهرات ومرشدات ؟؟
تذكرون قبل لما نروح الحفلات في النوادي .. نادي المنقف ونادي الشعب وغيرهم
كانوا اييبون مطربين وهدايا حده كان وناسه ويمعه وصفقه ولوية 
تلفون اول بو صماخ .. الكشخه بو دقم هذا يديد واللي فيه ارقام ويدور هذا اقدم .. اما الالوان فذيج الايام هبه الشينية والمائية والخشبيه يميع
هدايا المناسبات شي بسيط وتغليف ابسط مو الحين تغليف الهديه اغلى من الهديه نفسها
سر من اسراري واحلى شي عندي بالدنيا ذيج الايام مكتبتي
وااااي كنت احبها ولي الحين موجودة في بيت يدتي مثل ما اهي بس بدون صوري شلتهم خخخخخ
اتذكر كانت من محل العبدالوهاب انا واختي نفس الشي بس لعبنا بحسبتهم المكاتب صورنا وصور ممثلين وستيكرزات وناسة 🙂 لاحظوا الكيت كات بالجيس خخخخخ
هالساعه كانت هبة عصرنا .. شكبر المينا وسيورها تتغير نسيت شنو ماركتها بس ترى كانت حلوة وكشخه
اكيد كلكم عندكم هالسيارة العجيبة بالبيت .. كنا نتفقص فيها انا واختي 
بالعروس لازم سلة الورد وماتوصل العروس الا واهي مسكينه معفوسة من هالوريدات لوول
اذا حبيتوا البوست بدور صور اكثر عن هالفترة اللي ودي يرد فيني الزمن قري واعيشها مره ثانيه
حق كل المدونات اللي عاشوا هالمرحلة TAG وودي اسوي
شاركونا بصوركم خلونا نعيش هالذكريات الحلوة وطلعوا المستخبي من الالبومات المغبره اللي محد يشوفها بعد كاميرات الديجيتال 😛
الصراحة الفكرة روعه صج رجعتينا للزمن الجميل
ودي انا بعد احوس في الالبومات واطلع الصور
بس مشكلتي اني اكسل من الكسل
خلي الكسل وناطرين صورج 🙂
:pلا والله انا ماعشت هالذكريات لاني ولدت سنة 89
بس خوش صور
عيل نطري بوست التسعينات 🙂
تسلم ايدج على هالبوست
بصراحه ذكرتيني بزمن جدا جميل انا يمكن ماعشته كله بس اذكر اشياء منه لأن انا مواليد الثيمانينات بس لحقت على اشياء
مشكوره على الذكريات الحلوه
الله يسلمج والعفوو 🙂
بنكش بدددددعتي بهالبوست
طفولتي بالثمانينات
امبيه المكتب من علي عبدالوهاب علي هلو كيتي
و الدراريع ياحلوهم اول ماكو ترينغات الظهاري كله دراريع
و الحنه و الصياح و البجي مانعرف مصلحة نفسنا
هبة الاتاري و كمبيوتر صخر
و الباربي الله ياقشها و الله يافرحتنا لارحنا نحن و الاطفال و الا شارع خالدبن الوليد نشتري اليدد و اكسسواراتهم
و القواري بي ام اكس هذول حق جيلنا مااعتقد مااحد ركبهم
و بعد شنو ياربي ؟
قلبتي علينا المواجع يابنكش
الا ليت الشباب يعود يوماً ،، لاخبره بما فعل … !
اي صاجه المكتب على هيلو كيتي .. حسافه كمبيوتر صخر ما لقيت له صورة
اي والله ياريت ترد هالايام
احلى زمن واحلى عمر ، تسلم ا
يدج ۅﺂﻟﻟـَّـۂ ناقص مجموعتج عروس اول اللي بالحوش 😛
لوول عاد ما لحقت على عروس الحوش لوول
يعتبر عصر الثمانينيات بمثابة العصر الذهبي
وكانت انطلاقه الكويت قويه في تلك الحقبة
في جميع المجالات ما كبح تلك الانطلاقه
هو الغزو العراقي الذي قام بدوره بتدني
الدولة بشكل ملحوظ ما ادى الى انطلاقه الدول المجاورة
بشكل كبير وملحوظ ناهيكم عن سوء وكثرة المسببات
عن طريق النواب و المجلس ما قاموا باعدام شامل للتنمية
اللهم احفظ الكويت و شعبها من كل مكروه
اختي ياليت اذا عندكم هالسياره العجيبة
تجيكين لي اسمها او اي بيانات عنها
ودي ادور وحده حتى لو اييبها طلبيه لانها
كانت لها ذكريات كثيره وللاسف بعد
الغزو كل شي راح
آمين يارب .. والله مع الاسف السيارة راحت مع اللي راح ومابقى غير الصور
hahahahhaa ya 7ilooha mn ayaaam mt mn elth7k 3l drare3 athkr nde om abrja o elaragoooz ;p chna b3d nfs elalwan shaket lyon hathe ana wana madre lool. wlmaktab hatha lazm eb kl bait mwjod tgolen 7alfen ela enlzg feh 9war o khrabee6 wela may9er mktb..;p` wll done girl
loool aldrare3 kil alq8 3ndaha menhum 7ta almktabaa hehehe
waaaaaaaaaay …. 9ej ayyam ..
3endy nafs maktabtich bethaaaabbbb6666 :(((( thakkarteeny feehaa
a7la ayyaam wallaa …. o pleaseeee kamlaay wayed astamti3 eb hal postat el 7elwaa :**
lool 6ala3 waied nas 3ndhum nfs almaktab 😀 enshallah bakamel 🙂
وناسة رجعتينا حق ايام حلوة
اكثر شي اتذكرة اعياد الميلاد وبيتزا قيصر الطبق المقرر بكل عيد ميلاد يم الكيكة
اي لوول بيتزا قيصر لالالالازم ولا مايصير عيدميلاد
تسلم ايدج على هالبوست
مشكوره على الذكريات الحلوه
الله يسلمج والعفو حبيبتي
الله على ذيج الايام
الله يعطيج العافيه رجعتينا وراا
و الزهرات و المرشدات موجودين ليلحين
الله يعافيج .. والله ما اسمع لهم حس علبالي شالوهم
الله على ايام الثمانينات وحلاوتها بس يليتها ترجع كل شي فيهاحلو يونس صج طفولتنا كانت واااااايد حلوة واهم شي الباربي نذبح روحنا عليها ، لا وهبت الشناكل والسنافر الي كنا انيمعم كانوا من المطاط .
واذكر هبينا بالاساور الجلد وسلاسل الفضة الي ايوبونها من مصر وعلينا بالبواكة الي ينحطون عالايد ألوانهم كانت حلوة فسفوري وألوان عادية كانوا يتباهون بالمكتبات
واهم شي شريطة الامتياز والتدريب عالحفلة وانا معاج انغني بضمير جنا كانت الغنية أنا من أنا اذا ماني غلطانة ، لا والشلة الي سويتها بنكية كانت من الابتدائي لين وصلنا الثانوية . الله على ذيج الايام
تحياتي بنكية
لوووول الشلة هذي شي ثاني عاد ياحلوووو ايامنا عصاااابه
Oh My God! I’m gonna cry!!!!!!
Walah you reminded me of the BEST BEST days!!!
e wallah it was the best years ever
يا حلات ايام اول .. والله البوست عجييييب .. اتوقع الساعه سواتش .. كنت هابه فيها
لالا مو سواتش ماركة ثانيه بس مادري شنهي
واهاهاي الدراريع انا كان عندي نفس البرتقاليه ملوت مصر كرداسه ,
والمكتب اختي كان عندها نفسه و خذيته عقبها لووول
و السياره نفس الشي
اول العيدميلاد لازم كيكة بلاك فورست اللي فوقها كريمه و كرز
و سنكست و بيتزا قيصر ههههههه
لووول اي السانكيست قصته قصة مع اعياد ميلاد
لووول شخباااري كاميرة الفيديو هاذي حجرية كان عندنا نفسها
والله ايام
🙂
الحين إذا عندي اشرطة بدون الكاميرة شلون أقدر أشوفهم ؟
اذا كانت الاشرطة بيتاميكس دور لك فيديو لو مستعمل او من اخرها ودهم اقرب محل فيديو يحولهم لك على ديفيدي
كل الشكر على الذكريات الجميله والله اني لا استطيع ان انسى هذه الايام
العفواختي 🙂
Comments are closed.