Cocoa Room من فتره اسمع وايد عن مطعم
وماحصلت لي فرصة اجربه الا الاسبوع اللي طاف وكان المفروض يكون حزة غدا يعني بال 1ونص تقريباً
دخلنا المطعم ومشاء الله كان متروس ناس بس طاولتين فاضين نطالع يمين يسار نبي احد يستقبلنا من الويترز ماكوو بس يخزون من بعيد
قلت حق رفيجتي خلاص نروح نقعد بأي طاولة واهم ايونااا وهذا اللي صار 
المكان صغير وشرح والديكور يونس 
حبيت الكوشايات وحده على شكل ظرف والثانيه جنها خيشة بطاط يونسون غريبين
وصلنا المنيوو .. استغربنا بيض بيض بيض وعقبها السويت @@
نبي نتغدا مو نتريق !! لما سألنا الويتر قالت احنا ليلحين بمنيو الريوق
وعلشان اول مره نروح مابغينا نطلع ريوق ريوق شنسوي بعد 
طلبت عصير برتقال وكان وايد حاااار يابولي ثلج بس مع الاسف ما سوى ولا شي خلصت الثلج وهم لازال حار ياريت لو يحطون معاه ثلج مبروش يكون ممتاز لأن كمية العصير مشاء الله كبيرة اول مره اشوف مطعم قلاصه راهي جذي
Sunshine Slider
ستاند يشوق فيه 6 صحون صغار عباره عن فلافل بنوعين + لبنه + جبن + قيمر + زيتون + خضره
كان وايد لذيذ وصج حلو وخفيف للريوق .. القيمر خالطينه اعتقد مع عسل طعمه وايد لذيذ
الفلافل الحمره نااطعه اعتقد بالشمندر اذا ماني غلطانه
خبزهم استانسنا عليه فريش وحار
رفيجتي سألتهم اذا اكو برجرز واشوة قالولها عندنا سلايدر
Mediterranean اسم البرجر
رفيجتي وايد تمدحها 
براوني بان كيك
هذا مو صج اللي يروح ومايجربه خسران
لذيذ وااااايد وطعم الككاو شي مو صج تسيحووووون معاه
انصح فيه وايد وايد
يقدمون معاه السيرب مع نوعين صلصة 
كانت تجربة حلوة وان شاء الله بعيدها لتجربة بعض اطباق منيو العشا
وايد ناس يسألوني دايم عن الاسعار وهذي تفاصيل فاتورتنا
Sunshine 3 Kd
Mediterranean 3 Kd
Brownie 3 Kd
2 Orange juice 4 Kd
Cocoa Room in Al-Qibla, next to slider
Tel : 22465049
جربتهم اليوم على الريوق بس طلبنا كان أقل من توقعاتي من نا حية الطعم، كنت بجرب البانكيك بس رحت مع الوافل .. وبالنسبة للخدمة كثير من الناس مستاءة منها
لازم يدققون شوي على الخدمة .. لازم تجرب البانكيك عجيب
مشكوره وايد
العفو 🙂
ماجربت المكان ،، ابي وقت مو زحمه
!!
لازم تجربة عمر وايد لذيذ .. ما اعتقد في وقت مو زحمه
يشوق البراوني :p
عليكم بالعافيه
الله يعافيج حبيبتي
ليلحين ماجربته
شكل البانكيك لذيذ
يبيله روحه على الساعه 12
برنش اتوقع ماكو زحمه هالوقت
البانكيك خطير .. تصدقين ما اتوقع عندهم وقت ماكو زحمة مشاء الله
Comments are closed.