الاسبوع اللي طاف كان عيدميلاد اختي فطومه وهم ولادتها قربت ربي يسهل عليها فقلنا نسوي بيبي شاور صغير ونحتفل بعيدميلادها مره وحده
نزلت صور وفيديو على اكاونت البلوق في سناب جات
ووايد ياتني اسئلة واستفسارات
وحتى وانا ادور فناتق للبيبي شاور اللي فادني المواقع الاجنبيه فقط كون هالشي مستحدث عندنا
فقلت احط بوست كامل مع التفاصيل علشان يستفيد الجميع

ونبدا من اول شي
مكرم السامع الدواسه خذيتها من مركز سلطان السالميه
وحطيناها عند باب المدخل
في اشياء حسافه ما صورتهم الا فيديو وما انتبهت انه ماكو صور الا الحين لما كتبت البوست 🙁
الباب من بره زيناه في بانر ومن داخل علقنا عليه هدوم عنونه للبيبي ودلاقات واستخدمنا المشابك ملوت الغسيل للتعليق
من ضمن اللي علقتهم كبابيس صغار خذيتهم من سوق شعبي بالري اسمه قصر السلطان مكتوب عليهم عبارات بحبك يا ماما و بحبك يا بابا وغيرها

اما الكيكه فكانت على شكل بطن الحامل وطبعة المولود
خذيناها من هالاكاونت بالانستغرام
@Cake_Artist
كيكة عيدالميلاد عباره عن لوتس كرسبي عجيبه ولذيذذذذذه
من هالاكاونت
@Nena_sweets_kw
الجياس خذيتهم من محل لابوسا في برج جاسم السرداب
وحطيت داخلهم كوكيز وزينتهم بستيكرات شريتهم من لاكشيت بحولي
وحطيت على كل جيس اسم الحاضرين
الماي والڤيمتو النونو وشعر البنات والنفيش وجياس مكسرات وسويت بچارز وجيلي ولوحات صغيره للمناسبه مع بانر
من هالاكاونت
@_party_box_

هالفريم سويته عند محل يديد في الشويخ متخصص في مستلزمات الحفلات
اسمه بارتي بوكس في شارع التمور
صممولي اياه على حسب طلبي والجمله اللي ابيها
وخلصوها بالموعد
طلبوها من ياسر وايد محترم وشغله مضبوط

وهم خذيت منها بانرات وبعض الالعاب الخاصه بالبيبي شاور بصراحه عندهم تشكيله كبيره وحلوه لهالمناسبه للبنات والاولاد
وهذي الهدايا حطيناها على جنب
البوكس اللي مكتوب عليه هابي بيرثداي سويته عند نفس المحل اللي بشويخ
Mom to be
شريته من نفس المحل اللي في برج جاسم ولبسناها اول مادخلت البيت
الحين نيي للالعاب
بصراحه اسهل شي كان في بالي اني اسوي سيرج واشوه لقيت جم شغله بمواقع اجنبيه استفدت منهم وحولتهم عربي 🙂
وفي العاب شريتهم جاهزين من محل بارتي بوكس

اول شي دورت رسمه لصورة وحده بتولد ههههه وحطيت فوقها مكان يكتبون فيه تعليق يضحك
واخر شي الحامل اهي اللي تنقي التعليق الفايز
ابداعاااات
مسابقة الحفاظات هههه
شريت اوراق كريشه وجلاليب كبار
واحسن وحده تسوي حفاظه مرتبه تفوز
لعبة حفاظات الحظ شريتها من بارتي بوكس
كلهم فاضين من داخل الا وحده فيها ………
لووووووول
طبعا اللي لقت هالشي فازت

لعبة المصاصه
هم من بارتي بوكس
بانر على ياهل ومعاها مصاصه لازم تغطون عين اللي بتلعب وتشوفون وين تحط المصاصه
اللي تحطها على حلج الياهل تفوز

كل واحد ياخذ ورقه ويكتب الاغراض اللي احتمال تكون شرتها الام قبل ولادة الياهل
وعاد الام تشوف الاوراق وتصحح هههههه
واللي كتب اكثر اغراض صح يفوز
لعبة الطين بعد ونيسه بس يبيلها فنانات 🙂
والام تحدد الفايز

سوينا بعد لعبة ممية الحلاو بس حسابه نسيت اصورها
مميه موجوده بالجمعيات فيها حلاو بودر
اسرع واحد يخلصها له هديه ههههه مساكين انغثوا

والحين من سكتش الام
احسن واحد يرسم فطومه يفوز
🙂
هالصوره طلعتها من النت وطبعتها جاهزه
بدعوا البنات بالرسم

وهالامنيات حق البيبي 🙂
وهم ما نخلص من الابداع والاشياء اللي تضحك
الاكل كان كيتيرينج صاج حده عجيب
@house_party_q8
ماشاء الله صاجهم خفيف وحشواته متنوعه ونظاف ومرتبين
طبعاً فكره الفريم اللي سويته فوق كانت لاني حاطه في بالي اسوي شغله للذكرى نفس الايفنتات اللي كنا نحضرها
فجهزت البوكت برنتر اللي كنت كاتبه عنها من قبل بوست وتطبع الصور من التلفون سيدا
وجهزت فريمات ورق مقوى هم لقيتها في الانترنت لكني ضفت لها لمساتي مثل الياهل والكلام
وحددت حجم المكان الفاضي علشان اقدر الزق فيه الصوره اللي باخذها للبنات 🙂
وكان بهالشكل
وهالبالونات خذيتهم من سوق قصر السلطان ووديتهم محل العاب تفخوهم لي وزينوهم بالشرايط ووزعتهم في البيت
واخر الحفله فطومه طيرتهم بالسما 🙂
الله يسهل عليج يا وخيتي ويرزقج بالطفل الكامل السليم المعافى ويجعله من الذريه الصالحه يارب