تمت دعوتي لتجربة مطعم برجر اند لوبستر في الافنيوز
المطعم مشهور في لندن وهذا اول فرع له بالكويت بالغراند افنيو فوق يم مطعم فيغز
كاتبين منيوهم الاساسي على هاللوحه باستثناد المشروبات والحلويات طبعا
عندهم ٣ اطباق
البرجر
اللوبستر رول
اللوبستر الكامل
وعندهم وجبه او كومبو عباره عن صينيه فيها كل ما سبق
واذا كنتوا شخصين يقدرون يقسمونها على صينيتين مثل ما سوينا
اول ما تقعدون يعطونكم المريله والمقص اللي حق اللوبستر
طلبنا بيري بيري واهو مشروب مثل الموهيتو على انواع التوت
ونوع اخر موهيتو عباره عن فاكهة الليتشي والزنجبيل
وهذي الوجبة
مع سلطه الجرجير العجيبه والفرايز
برجر ستيك بقري مشوي مع الجبن والبيكن البقري
ممتازه للناس اللي يحبون البرجر الثقيل لانه حجم البرجر ماشاء الله عوده
انا ما اميل لهالنوع احب البرجر الضعيف
اللوبستر شي خيال
تقدرون تختارونه مطبوخ على البخار او مشوي
احنا اخترنا مشوي مع صلصة زبدة بالثوم والليمون
كانت شي ماينوصف من اللذاذه
اللوبستر رول
لحم لوبستر بارد مع صلصة مايونيز يابانيه خفيفه مقدمينه بخبز بريوش
ناس وايد مدحته بس انا ما مو موديلي
وصار وقت الحلو
عندهم ٣ انواع
برجر ماكرون و ديث باي جوكليت وميليفيه
برجر ماكرون عباره عن ماكرون وحشوة فواكهه ومربى
ديث باي جوكليت
عباره عن كيك ومجموعه مختلفه من الجوكليت والكراميل
وحتى اللوبستره ككاوه مع كراميل
Instagram @BurgerAndLobsterKuwait
Tel : 22200954