من سوق واقف الى اللؤلؤة
اللؤلؤة عبارة عن سلسلة من الجزر الاصطناعية تشكل مدينة متكاملة تقع على الجانب الشمالي لشاطئ مدينة الدوحة القطرية ويضم مشروع اللؤلؤة العديد من الأبراج السكنية والمجمعات التجارية وشاطئ خلاب
المكان اينن ماشاء الله بس يبيله وقت شوي على ماينترس لانه كبير واغلبه فاضي
مرتب وشغل عدل وفيه مجموعه من المطاعم والقهاوي وسوبرماركت ومحلات السيارات الغاليه مثل فراري ورولس رويس وشركات الاتصالات اوريدو وڤودافون والبوتيكات المعروفه مثل هيرمز وكلوي وبالنسياغا وكڤالي ومالبيري وغيرهم
واحنا نتمشى مرينا على عربانة كشري عند مطعم سي السيد وماقدرنا نقاوم الشكل فالغدا كان عندهم
القعده بره اتينن وترد الروح مع البراد
المنيو
عجبني يونيفورم اللي يشتغلون 🙂
الماي مكشخينه بعد
خبز فريش مع حمص
روب بخيار عجيب
الكشري خطيرررر شي ماصار
الذ كشري كليته بحياتي
وختمناها بأم علي
وچاي نعناع
والفاتوره اييبونها بدف
الحلو باللؤلؤة الواحد يتمشى واذا تعب سيارات الغولف بكل مكان ياخذونك مكان ماتبي
ويودونك المكان اللي تبيه
وبلاش يحلوهم
وهذي بعض الصور للؤلؤة
من كثر ما المكان حلو قعدنا فيه لي بالليل
والمغربيه قعدنا في كافيه
Chocolate Bar
واحلى فوندو
ايرمز
كل شي تمام بس استغربنا الساعه ١٠ ما كان في ولا تاكسي مادري ليش
يمكن علشان ايام عاديه مو نهاية اسبوع !
اضطرينا ننطر اكثر من نص ساعه على ما مر تاكسي
فاللي بيروح خلو معاكم رقم تلفون واحد من التكاسي اضمن لكم وواعدوه بالوقت اللي تمشون فيه
اخر يوم لنا فضلنا نقعد بالفندق وطلبنا ريوقنا بالغرفه لانه طيارتنا اول العصر فمايسوى اللويه
وانطلقنا للمطار
ماشاء الله مطارهم ونيس والتسوق فيه حلو
رحت مبجر فتمشيت على راحتي وتصورنا مع الدب العود
عندهم فرع لهارودز بالمطار
صغير فيه بعض انواع الككاو والبساكيت والشاي والسيفونيرز
وبعض البوتيكات مثل تيفاني وهيرمز وبولغاري ورولكس وشانيل جولري وغيرهم
عندهم بعد فرع قودايفا
الفراوله اللي عندهم خيال الذ من اللي بالكويت وحتى اللي بدبي
ماشاء الله راهيه وطعمها حالي مو حامض
مكان خاص لاستخدام الكمبيوتر
وموفرين اجهزه جديده كلها من ماك
وودعنا قطر الحبيبه باتجاه ابوظبي 🙂
انتظروا بوست خاص عن ابوظبي