من زمااان خبري في ابوظبي
وهالرحله هذي كلها لأني مواعده نصوري اذا نجح بالمدرسه بتقدير زين اوديه فيراري وورد
فروحتنا لابوظبي لعيون بونصره الله يطرح فيه البركه
صديقتي مريم كانت رايحه ابوظبي قبل لا احجز ووايد مدحت لي جزيرة ياس والفندق اللي ساكنه فيه
فبناء على كلامها حجزت خصوصا انه قعدتنا في ابوظبي يومين فقط وبنقعدها كلها بياس
وصلنا الفندق وكان موقعه جدا ممتاز ودار مداره حلبه وقريب واااايد يم ياس مول
استقبالهم كان ممتاز وبسرعه خلصونا وسلمونا الغرفه
الغرفه حجزتها عن طريق مكتب سفريات بقيمة ٨٠ دك الليله
الغرفه وسيعه وشرحه والبرنده اتينن
بعد ماحطينا اغراضنا رحنا نتمشى في ياس مول
مجمع كبير ومرتب ويديد
فيه محلات وايد مثل فيرجن وليجو وريفر ايلاند وكاندي ليشس ودبنهامز وسنتربوينت ومارك سبنسر وديزل وايقنر وكليرز وجس وفولي فولي وامريكان ايغل وبريشكا وكوس وبوسيني وبي اج اس ودي كي ان واي وهولستر وجست كڤالي و اج اند ام و ماسيمو دوتي وماكس و
موجي وتيدبيكر وتوب شوب وفيرسس وكوست وبي بي ودورثي بيركنز وايفانز وجوسي كوتور ومورجان و مس سيلفرج وداماس وبينكو و برومود ونيولوك وشوارفسكي وسامسونايت وايكو وميلانو وباتشي وغيرهم كثير
ولقينا قودايفا كوفي
محد يطوف الككاو 🙂
الكوفي فيه قعده داخل وبره وليلحين مو كل شي متوفر في المنيو
حسافه كان خاطري بالكريب
الكابتشينو طيب
الكيكه هذي سقنجر عندهم
شي خطير
فراوله ماكانت ذاك الزود حسافه
اللي في مطار قطر كانت شي خيال
الايس كريم
وعقب التمشي والتشري
ردينا الفندق وعشانا كان هندي شامي لول
جكن بتر وعيش مع حمص وبطاط
ونطروا اليوم الثاني وعالم فيراري 🙂
