اليوم الثاني قلنا نستفتحه بسوق واقف
سوق شعبي جميل ومرتب وايد ونظييف
وايد عجبتني طريقتهم انهم جامعين مثلا محلات الخياييط مع بعض والاغذيه مع بعض والتذكارات
احنا يابنا التكسي جهة الخياييط وتمشينااا وشفنا الدراريع القطرية الملونه وشفنا البطوولات
ووصلنا الى الممر المخصص للمطاعم
القطريين لبسهم التقليدي يميزه العقال
محد بالخليج يلبس بودندوشه طويله الا اهم
شي يميزهم
لقيت مطعمي بس مسكر 🙁
طبعا نصور حنه يوعان يبي ريوق فلازم اول شي ادور مطعم نقعد فيه ههههه وكان زحمه جهة المطاعم فأقرب شي واللي نعرفه
زعتر وزيت
خذاله بيض وانا هالزعتره الطيبه
ونرد للتمشي
ولقينا بعض الدكاكين يبيعون التذكارات بس قالولنا مانبيع الا الساعه ٤ !!
مادري ليش يعني مع انهم قاعدين !!
الوضع الصبح نايم بالسوق الكل يقول بالليل احلى
حسافه كان خاطري اجرب شغل ام عبدالعزيز بس مسكره الله يهداها
وهذي جم صوره للسوق
وصلنا لي ساحة الحمام تبارك الرحمن اتينن والحمام متيمعين بشكل عجيب
والناس توكلهم
يمهم سكة كانت كلها محلات طيور وحيوانات مكرم القارئ
ياحلو الحمامه چنها عروس مع ريشها
كاسكو اينن ماشاء الله
طيور حلوين بعد
ياحلوهم اليراوه
حتى الحمالي لابس لبس خاص وعليه السعر
مو كل من هب ودب قالج ماما يبي شيل
شغل مرتب والله
وين رحنا بعد سوق واقف ؟ تابعوا البوست الياي 🙂