من الجميل ان يكون هناك تواصل بين المشاريع التجارية والزبائن مو عمليه بيع وشراء وانتهى الامر في جسر آخر يخلي الانسان وفي لمكان يحبه وهالشي وايد احبه في كرمز بيكري
اللي بين فترة والثانية يسوون مسابقة والكل يقدر يشارك فيها ويجاوب الاسئلة اللي يطرحونها ويدخل السحب على 3 تذاكر في اي بي لدخول الى السينما, يكونون اساسا مختارين الفيلم بأول يوم عرضه والصاله الفي اي بي كلها للفائزين مع كرمز والضيوف
والاحلى بعد تدخلون السينما وبيدكم هدية حلوة من كرامز كب كيك وبراونيز وغيرها على ثيم الفيلم 🙂
يوم الخميس اللي طاف كنت معزومة من ضيوف كرمز ولأول مره احضر معاهم موفي نايت 🙂
الفيلم كان
The Hangers Game 2 (Catching Fire)
اول ما وصلت ضيفوني بالقهوه العربية الزينه
ولولو الحلوة قدمت لنا اشياء لذيذة بس مو الذ منها :*
هذا الشي كان لذيذ كيكة بامبكن مع البيكان
وعطونا هالجنطة الناطعه اللي فيها مالذ وطاب
شوفوا شنو بالجنطه 🙂
ودخلنا قاعة السينما
بما اني مو حاضرة الجزء الاول من الفيلم فكان شوي مبهم بالنسبة لي اول ما شفته لكن مع الاحداث تفاعلت واندمجت
الفيلم مدته 144 دقيقة تقريبا ويستاهل تروحون له
شكرا كرمبز على الدعوة شكرا اسيل واروى و
لولو الحلوة استانسنا معاكم :*
تابعوهم على الانستغرام وشاركوا معاهم وان شاء الله تفوزون للموفي نايت القادم 🙂
Instagram @ilovecrumbs & hashtag #crumbsmovienight
Site Link
