تعودنا على عروض المسرحيات والحفلات الغنائية وافلام السينما لأنه ماعندنا مثل امريكا ودول اوربا عروض مشوقة محترفة
يمكن شفنا بعض المهارات في برنامج اراب قوت تالنت لكن مافي امكانيات كبيره بالعروض العالمية
وصلتني الاسبوع اللي طاف دعوة لحضور عرض شادو لاند
واهو عرض كبير ومعروف في نيويورك لخيال الظل بطريقة احترافيه رائعه استقطب الكثير من المشاهير على رأسهم اوبرا وينفري
شركة ايفنت مانيا قدرت تحصل على موافقه لعروض شادو لاند لتصبح الكويت اولى دول الشرق الاوسط التي تستضيف هذا العرض
وصلت صالة التزلج مكان العرض وما شاء الله ماتخيلت بيكون زحمه
شوي ضاق خلقنا بعد ما قالوا انه هالعرض بيكون قصير مو كامل نفس عروض الويك اند مجرد 4 مشاهد تبين نوع العرض وشوي من القصة الاساسية للعروض القادمه 🙁
التنظيم شوي كان لوية وكراسينا كل واحد بصوب
بدا العرض تقريبا الساعه 9 الا ربع بتحية من ابطال شادو لاند
العرض وااااايد حلو ابدعوا فيه بصراحه
ودونا معاهم نيويورك بظلهم الجميل
وبعدها رجعونا للكويت بلوحة خيال ظل رائعه وكانت المفضله عندي
كان ودي اخذ صور اكثر لكن بالنهاية تقريبا قالولنا انه ممنوع التصوير !!
المهم العرض كان وايد جميل ويسوى الواحد يروح واليوم السبت آخر يوم للي وده يلحق عليه 🙂
لحجز التذاكر اضغط هنــا
Tel : 55995511