هالاسبوع وصلتني دعوة جميلة لحضور افتتاح مطعم
Big Smoke Burger
في مجمع المطاعم اليديد في ديفون في ابو الحصانية يم ذا فيلج
المطعم مكانه بزاوية ديفون والقعده بره اليوم بالجو الرائع كانت جميلة ما شاء الله اختاروا الوقت صح
المطعم كندي وكل شي يايبينه مخصوص للافتتاح من كندا
والاحلى من حضور اي ايفنت شوفة ناس عزيزين يا حلوج يا خالتي دلال ويا حلو البنات الله يوفقهم ونشوف افرع للمطعم في الخليج كله 🙂
استقبلونا بالقهوه العربية
وخذينا جولة داخل المطعم نشوفهم يحضرون البرجر جدامنا والحلو ان البرجر فريش بنفس اليوم يسوونها ويبهرونها ويجهزونها
اعداد الطلبات
يم يم الريحة كانت تكفخ 🙂
واطلعنا على المنيو الخاص فيهم وكان فيه 13 نوع من البرجر اممممم شنطلــــب
الحين اقولكم شنو طلبنا
بعد ما خذوا الطلب عطوني رقم للطاولة علشان يوصلني الطلب
واحنا ننتظر الاكل وصلنا 3 انواع من المشروبات الغازية الخاصه فيهم
انا جربت البلاك شيري واااايد طيب
ووصل طلبنا 🙂
Big Smoke Burger
فيها بصل مكرمل وجبن شيدر وخس وطماط مع صوص لذيذ
وااااااااااايد حبيتها البرجر لذيذذذذه انصحكم فيها
Spicy Burger
فيها بصل مكرمل وخس وطماط وصوص حاااار
طيبه بس اللي قبل اطيب وايد
شي خيال Onion Rings ال
مقرمش لذيذ وطعمه ناطع
Poutine
فرايز مع الجبن والبيف
جربت قطعه بس انا مو نظامي هالطبق فلا تاخذون برايي 🙂
شكرا لبيج سموك بيرجر وشركة غاليه تكنولوجي على الدعوة والافتتاح المرتب والاكل اللذيذ
Tel : 22495372
Instagram @BigSmoke_Kw
