المشتركة (مشموم) بين مدونة بينك غيرل وجاليري تو توينتي PIINXX تبدأ اولى سلسلة معارض
بإذن الله يوم الاربعاء 27-28 يونيو 2012 من الساعه 10 صباحاً وحتى ال 10 مساءاً
Fashion Stop Boutique – المشاركين بمعرض مشموم : مشغل ردن – بيت بسمه
السلمانية – ياسمين السالم
جاليري تو توينتي مقابل مجمع الصالحية – خلف مطعم فوشون
كل الشكر لأختي مريم جالاري تو تويتي على هالترتيب الجميل والشكر موصول لأخواني وخواتي المدونين لدعمهم ويسرنا حضوركم 🙂
عودونا بينك بيري انهم يضيفون نكهه جديده في بعض المواسم وهالمره كان اختيارهم على نكهة الفراولة
قبل لا اطلب طلبت انه يذوقني لأنه ما كنت متخيله طعم الفراولة مع البلسميك جليز ! بس طلع الطعم عجيب وايد
فطبيت نص فراولة وبلسميك ونص جوكليت لأنه خاطري بشي حلو شوي .. صارت خلطة حلوة حامض حلو 🙂
جربوه وايد لذيذ
لحضور يوم خاص للمدونين البنات SunFlower Beauty Center وصلتني دعوه من
Organic BCL Treatment لتجربة ال
واختيار اي نوع من خدماتهم اللي تتضمن العناية بالاظافر والشعر
واول ما تبطل الاصانصير لقيت بويهي العزيزة نوف المضيان 🙂 وستاند ترحيب بالبلوقرز
دخلت واستقبلوني اصحاب الصالون الاخت عذبه السري واختها فرح ومشاء الله عليهم كانوا مرتبين كل شي ومهتمين بادق التفاصيل
وايد عجبني المكان مرتب وهادي ونظيف وهذا اهم شي
مكان العناية بالشعر
مكينه النسبريسو وبوكس الجاي موجودين
عندهم مجموعه كبيرة ومتنوعه من الاصباغ من ماركات مختلفة ترضي كل الاذواق
هو عباره عن صبغ اظافر سهل الازالة مجرد تغسلونه Little BU Nail
يروح يعني سهاله لا اسيتون ولا شي وفوق هذا بسرعه ينشف مجرد دقيقتين فقط ويلمع بعد
ماقصروا بصراحه بالضيافه كل شي كان روعه واختيارهم كله عجيب
المعجنات من اوبرا .. العصاير من يوني بار .. الكب كيك من مدام سوكري .. الكوكيز من ساروشا
وجهزولي التريتمنت 🙂
Think Pink النوري مندمجه 😀
من اهم الاشياء اللي الواحد يحرض عليها خصوصاً للعناية بالاظافر النظافه والتعقيم والاحسن وجود ادوات للاستخدام مره وحده فقط وهذا موجود بسن فلاور
التريتمنت وايد عجبني ومو متوفر الا لنخبة معينه من النيلز بار وسن فلاور منهم
وعلى فكره عندهم خدمة منازل
المشمشي من شانيل كان اختياري من مجموعه اصباغ سن فلاور
وطلع الجميع بهدية جميله عباره عن فاوجر, لوشن و الورد 🙂
شكراً لسن فلاور بيوتي سنتر على الاستضافه الرائعه .. سررنا بالتعرف عليكم عذبه وفرح السري والجميع وعسى الله يوفقكم يارب
Sunflower Beauty Center Located in Jabria, block 1A, St 1, Building 86, 2nd floor
Tel : 25322126 – 55695000
Site Link Twitter @sunflowerkuwait Instagram @sunflowerbeautycenter
أعلنت الشركة الكويتية ألبان عن اقامتها لعرض حي لتصنيع الاجبان يوم السبت الفائت في البان كافيه بمركز سلطان الشعب عبر التويتر والانستغرام
ولأني من اكبر عشاق الجبن وبالنسبه لي شي جميل اني اشوف جدامي شلون طريقة تصنيعه قررت اشارك اختي انسام اللي بلغتني عن الموضوع واحضر هالحدث الجميل
استقبلنا الاخ بدر الايوبي وعرفنا على المكان وكان عندهم رفوف عرض تحتضن الذ الاجبان والمنتجات المستوردة من اسبانيا وفرنسا
وطبعا الركن الاكبر كان خارج الكافيه لعرض منتجات البان المحلية من البان ومختلف انواع الاجبان ولبنه وغيرها
المكان جميل وطريقة الديكور مرتبه وتوحي بمزارع الدول الاوربيه خاصة سويسرا
كان اختيارهم تصنيع الحلوم بنوعين السادة وبحبة البركة
وهذي مراحل اعداد جبنه الحلوم كامله من الحليب والغليان وضبط الحرارة وغيرها
كان في بالي اعداد الجبن اسهل من جذي لكن طلعت العمليه وايد وايد دقيقة وتاخذذ وقت ويبيلها صبر وطولة بال .. الله يعطيهم العافية مو شي سهل خصوصاً بكميات كبيرة
الحلوم السادة جاهز يحطونه على قطعه قماشة ويلفونه وينضغط علشان يطلع الماي كله
وهذا الحلوم بحبة البركة ونفس عمليه السادة ينلف للضغط
الماي اللي طلع من الحلوم ما ينقط وينضاف عليه الملح وينغلي
بعد ما ينشف فتره لما يصك الحلوم شوي ويبدى الماي اللي ينزل منه يخف يشيلون القماش ويقصصونه وينحط بالماي المغلي مع الملح فتره 10 دقايق تقريباً بعدين يشيلونه ويشخلونه ويعلبونه بسرعه ويحطون فوقة شوي من الماي المالح
والاخ بدر يقدم لنا الجبن الحلوم حااار وفريش 🙂 كان عرض لطيف ومفيد وان شاء الله بيكون لهم عروض لأنواع اخرى من الاجبان كل سبت ان شاء الله تابعوهم على تويتر لمعرفه اخر اخبارهم 🙂
شكراً لألبان على هالفكره الجميلة والعرض المفيد , الاخ بدر الايوبي ماقصرت على الشرح وطولة البال وموفق ان شاء الله
Twitter & Instagram : @AlbanDairy
عرفت خالد البريكي الفنان قبل 10 سنوات لما كنت مشرفة فنية بأحد المنتديات واصبح صديق للعايله ومن الاشخاص اللي اقدر اقول اخ كبير خلوق بكل ما تحمله هالكلمه من معنى
امس تلقيت مسج عن ولادة اختي شيماء زوجة اخوي خالد وفرحت له جداً وكنت حدى متشوقة اشوف شيوخه الصغيرونه ويهه بويهه 🙂
اليوم شفت خالد الابوو الحنون اللي ما يدري شيسوي ببنته من غلاها
بو شيخه قول آمين عسى تبلغ فيها عروس ومثل ما وصلنا مسج ولادة شيماء يوصلنا كرت عرس شيوخه واخوانها بعد ويرزقك واميمتهم برهم 🙂
وهذي صور حصرية من استقبال شيوخه خالد البريكي في مستشفى رويال حياة
