احد المحلات اليديدة في دبي مول Tasty Image
اول ما تدخلون تتفاجئون ان الشي الاساسي عندهم هو طباعة الصور على الجوكليت .. تخيلوا صورتكم على لولي بوب جوكليت يم يم
اشكال كثيرة من الجوكليت اللي يمكن طباعه اي صورة او شعار عليه واستلامه خلال 10 دقايق فقط
وطبعاً لأهل دبي يطلعون كاترينج ويمكنهم الطباعه على الجوكليت في حفلاتكم وهم عندهم نوافير الجوكليت
Tasty Image Located in Dubai Mall, Second floor, in front of Reel Cinema
Tel : +9714 3253154
اطلقت ستاربكس شراب صيفي منعش جديد هو
Starbucks Strawberry and Cream Frappuccino
وحصلت لنا فرصة جميلة ان نذوق الفربتشينو اليديد من صنع ايدنا في مقر شركة الشايع بشويخ حيث توجهت للمدونين دعوه للمره الثالثة مع ادارة ستاربكس للاطلاع على الجديد وسماع الاراء فيما يخص كل ما يتعلق بستاربكس
انقسمنا فريقين وعطونا تعليمات عمل الفربتشينو اليديد 🙂
وعلمونا آرثر وتيدي طريقة عمله مرتين علشان نبدي نسويه بروحنا 🙂
وهذي الخطوات
انا وذا سايد توك تشاركنا بعمل فربتشينو واحد 🙂
وهذي النتيجة 🙂 شرايكم ؟؟ شطار صح
انصحكم فيه وايد لذيذ ومنعش
Big Thanks Starbucks 🙂
في فندق اتلانتس وايد اشياء تقدرون تسوونها وتستمتعون فيها مثل السباحه مع الدلفين والاكوافنشر وزيارة الاكواريوم واللوست شامبر
Back of House و هالمره صار اختياري على
واهي عباره عن جولة مع القايد لمشاهدة مل خلف كواليس اكواريوم اللوست شامبر والامباسادور لاقون ومن ضمنها مكان فلاتر الماي الخاصة بالاكواريوم وشلون تشتغل وطريقتها وزياره المستشفى الخاص بالاسماك ومكان تجهيز الاكل للاسماك واخيراً اطعام بعض انواع السمك
حجزت تذكرة مخفضه ب75 درهم لأني ساكنه بالفندق وجولتي كانت الساعه 1 الظهر
وقعدت انطر القايد علشان تاخذيني من اللوست شامبر
ومن حسن حظي انه القايد كانت اتينن ونفسها حلوة وتشرح من قلب وترد على كل اسألتي بابتسامه وصدر رحب .. كارلا فعلاً حببتني اكثر بالجولة 🙂
اول شي قالتلي لازم يكون الجوتي تكرمون مريح وكنت متجهزة عدل لما سألتها ليش؟ قالتلي لأن السالفة فيها مشي شوي ودرج .. ليش لا دام فيها استكشاف يديد 🙂
طلعنا من باب ودخلنا باب وكل شي مقفل بمفاتيح وكنت الوحيده بالجولة محد مسجل غيري المهم وصلنا الى مكان فلاتر المياه الخاصه باكواريوم الفندق بالكامل وكان مع الاسف التصوير ممنوع
ركبنا الدرج وشفت شي مذهل مشاء الله بايبات كبيرة للماي والفلاتر وطريقة تصفيته والشي الوحيد اللي كان مزعج صوت المكاين
بعدها نزلنا وعن طريق الممرات المستخبية بالفندق وصلنا الى مستشفى الاسماك وهني عرفت معلومات يديده اول مره اعرفها خصوصاً الخاصة بالاعتناء بأسماك الاكواريوم بأنواعها الكثيرة
اول شي شوفوا معاي المكان اللي متروس من الاحواض الكبيرة والصغيره على حسب حجم السمج
وجداول متابعه وشي مرتب لكل نوع سمج
هذي بعض انواع الاسماك المتواجده اكواريوم اتلانتس ذا بالم
الشي اللي اثار اعجابي طريقتهم المتخصصة مع الاسماك انا على بالي حوض ومجرد اييبون السمج ويقطونه داخل طلعت السالفة مو جذي نهائياً
الاسماك اللي يستوردونها ما يحطونها على طول بالاكواريوم اييبونها المستشفى وتنعزل لفتره لأنها متعودة على ملوحة ماي معينة ويتدرجون معاها بالملوحة الى ما يوصلون للدرجة الخاصة بالاكواريوم وينزلونها
الاسماك الصغيره كلش تنشال من الحوض ومايردونها الا لما تكبر شوي
يتم فحص الاسماك بشكل شبه يومي عن طريق الغواصين المتخصصين واذا كان هناك اي سمكه مريضة تنعزل بالمستشفى ويعرفون بمرضها عن طريق قشورها وطريقة سباحتها وغيرها
وهذي بعض الكائنات البحرية اللي شفتها بالمستشفى
هذا جيلي فيش
وهذا نوع من الاكل اللي يتغذا عليه الجيلي فيش
بيبي حصان البحر حده حده زبوووووط عنونووووووووو .. وكارلا اصدمتني بمعلومة غريبة واول مره اعرفها .. حصان البحر الذكر اهوو اللي يحمل موو الانثى !!! غريب سبحان الله
كيووووت
وصار وقت نفتح باب يديد وندخل مكان اعداد الاكل للسمج .. تخيلي ياكلون ما يقارب 400 كيلو باليوم مشاء الله
المكان الاخير والممتع اطعام الاسماك وكان الوقت اللي اخترته مخصص لسمكة الموراي
تخيلوا انا راح اوكل هالظريفه .. حية على شكل سمجه تخرع
والاخ المسئول عن هالمكان قبل لا ابدي طلع لي علبه فيها هالانياب يقول هذي ضريساتها وحتى في بلاعيمها موجودين علشان تقطع اكلها عدل
وهذي البلعه وصلت
وباستخدام العصا بديت ابلع فيهم وحده وحده
شي ممتع بس ريحة هالاماكن ززززززززفره
وهذا صديق الموراي فيش 🙂
وهذي صديقتي كارلا 🙂
Thank you Karla, you such a sweetheart i really enjoyed my tour with you and learn a lot of things that i known for the first time 🙂
شاورما الشويخ .. مطعم يديد تيك اوي لكن بطريقة وستايل يديد مختص بالشاورما
وصلنا وكان المطعم ززززحمه وايد و المكان حده حده صغير توقعناه وايد اكبر من جذي
بالضبط طاولة وكرسيين حده المكان عنونووو بس يونَس
المنيو يحتوي على 7 انواع من الشاورما اضافه الى ساندويتش الحلوم والبطاط والمشروبات
والاستاذ خذا طلباتنا 🙂
ابو خليل ومرته ام الرمان وبنتهم بنت الشويخ وشاورما 1961 😛
ترى هذي مو عايلة هذي اسامي الصمون 😛
وبما ان ماكو مكان للاكل وذا سايد توك وفرويونيشن معاي فكلينا بالسياره وبدينا بالابوو 😛
بوخليل ومحتواها شاورما دياي مع البقدونس والبطاط والمخلل والثوم .. مع انها دسمه لكن لذيذذذذة
اللي بعدها كانت ام الرمان .. خبزة لبنانية داخلها شاورما دياي وبطاط ورمان وبقدونس وثوم وكانت ايضاً ناطعه
اما الثالثة فجربنا بنت الشويخ هم خبز لبناني وشاورما دياي وبطاط وبقدونس وثوم ونعناع وكانت الالذذذذ
الاخيرة الحراقة شاورما 1961
خبز صاج محشي بشاورما الدياي والبقدونس والجرجير والبطاط والبصل وصلصة الرانش الحاره
قرمت قرمة وعلى حظي كانت مفلفلة تفلفل عيوني طلعت .. انا ودندرمة فلفلنا لجنة الحكم في بروجيكت اكس وردوها لنا بيت السالم بدون قصد اليوم بشاورما شويخ 😛
اللي ما يحبون الفلفل لا تطلبونهاااا .. اللي يحب الفلفل بتعجبه وايد
شاورما الشويخ في جمعية الشويخ مقابل المسجد
Tel : 66366612
Site Link Twitter @ShawarmaShwaikh
L’Occitane من “Pivoine Delicate” تم اطلاق مجموعة
بحدث جميل مليء بالفعاليات الرائعه بتاناغرا الفنار .. وكعادة لوكسيتان استقبلونا بالورود ولبسونا سوار على وردة بينك جميله
يتميّز عطرهم لهذا الصيف بروائح الليمون والدراقن البيضاء المخمليّة وهي الرّوائح القويّة فيه، بالإضافة إلى الورد والفاوانيا والزنبق والمسك الأبيض والخشب الخفيف وهي روائح متوسّطة وخفيفة
حبيت ريحة العطر وايد باردة وصيفيه واستانست على الشيمر اللي يصير عباره عن رذاذ يلمع حلو حق المناسبات وفيه نفس عطر الفاوانيا
من الاشياء الحلوة ضمن الفعاليات انه نقدر نسوي وردة من الاوراق وسويت وردتي بروحي 🙂
وردينا صغار ومسكنا فرش التلوين وقعدنا نلوَن الاصيص للورود بالشكل اللي نحبه والالوان اللي نختارها و الجليتر موجود بعد
شكراً لوكسيتان والاخت شيماء على الدعوه و الايفنت المميز
L’Occitane @ Avenues mall – Tanagra (alkout) – Tanagra (Alraya Mall) – Tanagra (AlFanar Mall) – Tanagra (Salhiya Complex)
Site Link
