Paper Room انا وسفراتي

by PinkGirl // February 15, 2013 // Comments off

Paper Room وصلني مغلف جميل من

وعليه تاق مكتوب عليه انا وسفراتي .. وعليه تاريخ الرحله واسم مدونتي 🙂

فتحت المغلف ولقيت نوت (انا وسفراتي) لونه وردي وعليه اسم المدونه

النوت صغيره ورائعه لكتابة خطوات السفر والتذكير بالاماكن المراد زيارتها وغيرها من الاشياء المهمه في السفر

اول ما فتحته شفت مكان لكرت التاكس فري وتكتبون كل المعلومات المهمه اللي تحتاجونها عند عمل التاكس

وبعدها تلقون مكان تكتبون فيه معلوماتكم علشان يوصلون لكم لو لا سمح الله ضاع النوت

وبعدها لسته بالمدن اللي ناوين تزورونها ولسته ثانية بالاشياء اللي تحتاجونها بالسفر

والجداول الخاصه بمقاسات الملابس والاحذية وغيرها للنساء والرجال والاطفال في كذا دوله

وحتى العملات ورقم فتح الخط موجود لكل دولة

وترجمه لبعض الكلمات المهمه ل8 لغات

وحتى المطاعم حاطين لكم مكان تكتبون اسم كل مطعم جربتوه مع الاطباق اللي توصون عليها والاطباق اللي ماحبيتوها وملاحظاتكم

وهم اماكن حق المحلات اللي ودكم تزورونها والاشياء اللي تبون تشوفونها

وفي بعد صفحات اخرى جميلة في النوت

وايد حبيتها وان شاء الله اجربها قريب في السفره القادمه

For Order : 99627998

Instagram @Peper_Room

Special Night @Tringlekw

by PinkGirl // February 15, 2013 // Comments off

تراينجل من المطاعم اللي وايد احبها وسبق كتبت عنه – اضغط هنـا و هنـا

امس كان عشانا بجو غير .. كنا رايحين نتعشا وعشنا اجواء فالنتاين (عيد الحب) بمطعم تراينجل

قعده خارجية حلوة مع الجو الجميل وهالورود الجوري الحلوين

وما قصـروا ضيفونا بعقود الفــل اللي ريحتها خنيـــــــــــــــــــــنه

وقدموا لنا هالفراولة اللذيذة بالجوكليت

وفوق هالدلع كله كانوا مسوين ميوزيك نايت .. خوووش موسيقى بدعوا 🙂

مكان حلو .. جو جميل .. اكل لذيذ .. موسيقى رائعه .. رفقة حبيبه = يوم سعيد 😀

شكراً تراينجل ♥

Triangle Restaurant located in Salhiya, Ali Al-Salem St, Aljawhara tower

Tel : 50838483

Twitter & Instagram @Tringlekw

Breakfast @ZaroobDubai

by PinkGirl // February 15, 2013 // Comments off

السنه اللي فاتت رحت زيارة سريعه لمطعم زاروب في دبي وسويت عنه بوست (اضغط هنـا) لكن ما كلينا عنده الا كريب نوتيلا وعصير برتقال !

لكن بزيارتي الاخيره مرينا عليهم الصبح نجرب الريوق وكان ما شاء الله زحمه حيل ومسكرين الدور الفوقي بس مخلين اللي تحت والقعده الخارجية

القعده الخارجية كانت وايد حلوة والحمدلله الجو كان حزتها يساعد

طلبنا ماعون فول على الطريقة اللبنانية وايي معاه صحن فيه بصل وطماط وخضرا

كان الطعم عجيب والتقديم حده يشوق

بيض السكرامبل عندهم هم غريب كشكل وطعم والتقديم غير بعد

حده حده لذيذ وشكله مع السمسم اللي فوقة يشبهه الكيكة 🙂

حمص

منقوشة لبنه .. نااااطعه

كرك – جاي حليب

والحساب باللتي هي احسن 😛

Zaroob Located in Sheikh Zayed Rd, Jumeirah Towers – b/w European Vet Clinic & Nokia store, Dubai

Tel : +971 43276060

Site (Link) FB (Link) Twitter (@Zaroobdubai)

@Style_Boutique Grand Opening event

by PinkGirl // February 15, 2013 // Comments off

لافتتاح فرعهم الجديد بقرطبة Style Boutique تمت دعوتنا من قبل

الافتتاح كان كله وردي بوردي 🙂

الكولكشن الموجود يغلب عليه الطابع العملي .. هناك قطع مميزة

عندهم بعد موديلات حلوة من الاحذيه والشالات

استانست على الخواتم ناعمين

Style Boutique Located in Qortuba, block 4, St 3, Salem Al Ali Complex

Instagram @StyleBoutique

Anya Hindmarch SS13 Collection at Harvey Nichols

by PinkGirl // February 14, 2013 // Comments off

Anya Hindmarch تمت دعوتنا من قبل

لحضور اطلاق مجموعة ربيع/صيف 2013 في بوتيكهم بهارفي نيكلز الافنيوز

المجموعه مميزه جداً والوانها وايد حلوه وشخصيا احب جناطهم وايد تكد .. عندي جنطتين صارلهم اكثر من 7 سنين وما شاء الله شحلوهم كد ومد

Bathurst

هالجنطه تم الكشف عنها للمره الاولى ضمن مجموعة كروز2013 وتحمل اسم باثرست الاول واهو احد السياسيين المشاهير في القرن الثامن عشر

تصنع الحقائب بالطريقة القديمه باستخدام جلد العجل او التمساح او الماعز ذي اللونين وتتميز بتشكيله من الالوان كالاخضر الياقوتي مع الازرق الفاتح لجلد التمساح وبدمج الونين الكريمي والرمادي في جلد الماعز لربيع وصيف 2013

اما التصميم فيأتي بحمالتي كتف احداهما بلون مغاير يمنحها لمسة عصرية والاخر باللون ذاته لاطلاله اكثر رزانه

اما القفل فهو مطلي ويحمل علامة انيا هيندمارش المميزه وهي اما الشريطة المربوطة او رسم العين الذي يشير الى القلادات الكلاسيكية المصغره

انا وايد حبيت هالجنطة ولاحظوا من داخل شلون مرتبة مكان حق القلم ومكان حق النظارات ومكان للموبايل والحمره وحتى سويج السياره تعلقينه علشان مايضيع وكل شي مكتوب عليه حق شنو نزااااكه