Bloggers Night @Trianglekw

Triangle قضينا أمس امسيه جميله بالهواء الطلق في مطعم

بأول تجمع للمدونين في فرعهم الاول 

المطعم فتح من فتره في منطقة اسواق القرين وكان خاص للتوصيل فقط .. اما الآن بمطعمهم الجديد فالمكان مختلف والمنيو مختلف 

المكان وايد هادي وديكوره بسيط وقعدته حلوة

وايد احب المطاعم اللي تستخدم التكنولوجيا واهم شي صور واضحه تبين شكل الطبق 

تراينجل عندهم منيو الآيباد بالصور وهم عندهم المنيو العادي المتعارف عليه بدون صور

طلبت ليمون مع نعناع وايد وايد لذيذ وسكره مضبوط وحموضته لذيذة

ماقصرت الاخت عروبه العون ساعدتنا بإختيار الاطباق وبدون مجامله كان كل طبق الذ من اللي قبله سواء بالمقبلات او المين كورس وحتى الحلويات

Rocca بدينا اول شي بالمقبلات وتحديداً بسلطة ال

جرجير مع السن درايد توميتو وصلصة البلسميك مع قطع من جبن البارميزان 

كانت سوبر لذيذة 

Italian Nachos وهالشي اهووو

ناتشوز مع قطع الدياي المشوية والجلابينو مع خلطة من الاجبان الموزريلا والبارميزان اضافه لصوص الفريدو

Buffalo Shrimp النطاعه كلها في ال

هالشي صج لا يقاوم 

Mozzarella Balls وهذا اسمه

عباره عن قطع عنونة من جبن الموزريلا المقليه صافينهم على عود ومعاهم صلصة خاصه .. لذيذن 

Mushroom Trigono 

مثلثات المشروم المقطع بعجينة الجلاش المقرمشة

Cheesy Mushroom

مشروم كبير مغلف بالبقسماط وداخله جبن يم يم

Steak Bites هذا الطبق بعد من الاطباق العجيبة

قطع ستيك صغيره تندرلاين مع كور الماش بوتيتو 

خطير خطير ويقدمونه مع نوعين صوص كلهم حلوين

Koozie Fries 

بطاط لذيذ خالطينه مع البيكون والجبن والجلابينو وصوص خاص فيهم

ودخلنا على الاطباق الرئيسي وكان اختيارنا على

Rosa (Pink Pasta)

بينك باستا مع الكريمه البيضه وصلصة الطماط

وقدمولنا 3 انواع من الميني برجر

Tringle + Heavy + Pollo 

ذقت بس التراينجل وكانت لذيذة ورفيجتي جربت الهيفي وبولو ومدحتهم

وبعد استراحه وبما ان الجو حلو كملنا القعده الحلوة وطلبنا كابتشينو مع الحلويات 

خسران Bread Pudding اللي يوصل هناك ومايطلب 

شي رهيب فلفي بريد بودينج مع دارسين وفانيلا و يمهم صوص كاراميل 

Molten Lava 

دارك جوكليت مولتن كيك مع فانيلا ايس كريم .. لذيذه بس وايد تغث 

شكراً لأسرة تراينجل على الضيافه الكريمه الاخت عروبة والاخوان صالح ومشاري .. اكرمكم الله وموفقين يارب 

Triangle Restaurant located in Salhiya, Ali Al-Salem St, Aljawhara tower

Tel : 50838483

Twitter & Instagram @Tringlekw