Asama Perfumes يسرني ان ارحب بالراعي الجديد للمدونة
مجموعة العطور لديهم مميزة جداً .. جربت عطر عود كورال وابالون جداً رائعين
موجودين في فيفتي تو ديغريز بمجمع التلال بالشويخ ولديهم خدمة توصيل ايضاً
Tel : 96927262
Site Link Twitter & Instagram @AsamaPerfumes
تمت دعوتي لحضور متجر تيفانا المتخصص بأفخر انواع الشاي في العالم
سبق اني كتبت عنه اثناء جولتي في الغراند افنيو اضغط هنا
يعتبر هذا الفرع الاول في الشرق الاوسط والعاملين فيه جميعاً لديهم خبره في الشاي ويقدمون للزبائن شرح وافي عن كل نوع من الشاي وكيفيه تحضيره بطريقة مثاليه والاستمتاع بشربه
يمتاز الشاي لديهم بأنواعه المختلفه بروائح عجيبة بين الورد والفواكهه وغيرها
تقدرون في تيفانا تذوقون انواع جاي مختلفه
عندهم انواع وايد من السيتات للهدايا اضافه لكل ما له علاقة بالشاي وتقديمه
سكر طبيعي
السيد ماثيو عرفنا على انواع كثيرة من الشاي لديهم وشرح لنا تركيباته ومزاياه المفيدة وكيفيه اعداده
تشكيله اوراق الشاي لدى تيفانا خاليه تماما من السعرات الحرارية مالم يضف اليه حليب او سكر
H&M في Maison Martin Margiela تم اطلاق مجموعة
في الغراند افنيو وكان لنا جولة حصريه لتصوير المجموعه قبل فتح البوابة في تمام الثامنه
اغلب القطع تصلح للشتا و وسيـــعه وقصاتها نوعا ما غريبه
البنطلون الجينز يشوق وسيع ويشبهه التنوره
ازياء الرجال
الاحذية والاكسسوارات
وتم افتتاح البوابة 🙂
المصمم الكويتي يوسف عبدالسيد مع مجموعه من الحضور
بارتي كورنر مكان يديد متخصص لحفلات اعياد الميلاد وغيرها من المناسبات وتغليف وتزيين الهدايا والبالونات
اضافه لعمل اعياد ميلاد كامله حتى النطاطيات والزحلاقيات يوفرونها
حسيت مكانهم فيه اشياء يديدة وبالونات باشكال اكثر وحتى البنياتا اللي عندهم اول مره اشوف هالاحجام الكبيره جداً وبشخصيات كارتونية محببه للاطفال .. انا وايد احب البنياتا وشلون نقدر نحط فيها الككاو والهدايا العنونه ويتل الياهل الحبل ويتطيح الاشياء مثل النون 🙂
مكانهم بشويخ بعد محلات الميره وبجانب طيور الجنه
Site Link Twitter & Instagram @PartyCornerKW
The Gathering Bistro وجهت لي دعوة ومجموعه من البلوقرز من مطعم
لتذوق الاكل وتقييمه واعطاء الملاحظات وذلك قبل افتتاحه نهاية هذا الشهر
هذا المطعم يعتبر الاحدث في منطقة الصالحية خلف فوشون وديكوره مودرن مبتكر وبطريقة جديدة علينا
الفكره انه المكان ينقسم قسمين جهه تعتبر كافيه بالشكل والطريقة والترتيب
القسم الاخر يعطي انطباع شارع برصيف وبازار على الطريق
تصميم جميل وايد حبيته
كان عندنا نفس هالتلفون 🙂 يشوق
الكافيه .. والمكان مفتوح لرؤية تحضير القهوه والمشروبات والفرن ايضاً للسويت
Aappetizer :
Moroccan Cigars
رول محشي باللحم المفروم يقدم مع ديب اخضر لذيذذذ
Potato Bombs
وبما اني من عشاق الجبن والبطاط هالطبق كان عجيب عندي وهو عباره عن كور من البطاط (ماش بوتيتو) مع الجبن السايح وصلصة ناطعه يم يم
Grilled Shrimp
محبي الاطباق البحرية ترى الربيان حده عجيب يقدمومه مع صلصة حاره
Cheese Fondue
فوندو الجبن مع العسل هالطبق ناس حبته وناس عطت ملاحظات عليه .. يحتاج تكون الجبنه سايحه اكثر والخبز محمش اكثر
Main Dishes :
Fusili Pasta with pesto
فوسيلي باستا مع البيستو الجبن والطماط طريقتها غير عن اللي تعودنا عليه .. يقدمونها بالقصدير بعد ما يطلعونها من الفرن على طول ويفتحها ويخلطها جدامكم
جدااااا طيبه اممممم
Steak Sandwich
ساندويتش الستيك مع الجبن والخضرا ويقدمونه مع الفرايز والسلطة .. وايد لذيذ بس الجبنه مالحه شوي
Mushroom Risotto
ريزوتو الفطر كان عجيب وايد لذيذ ومضبوط والطعم رائع
Lasagna
اللزانيا كانت ايضاً لذيذة وحااااره والجبن يتمغطططط عجيب
Dessert :
Dulce de leche Cheesecake
جيز كيك الكراميل كانت لذيذة ومع كوب كوفي بتكون شي رهيب
Creme brûlée
شي قااااتل وااااايد حبيته مع حبيبات السكر اللي فوق كان شي قاتل فعلا
Chocolate overdose
محبي الجوكليت اكيد بيحبونها لذيذة
Cookie Pie
عجينه الكوكيز وتحتها جوكليت سايح لذيذذذذ
على استضافتنا واعطاءنا فرصه للتذوقGathering Bistro كل الشكر لمطعم
موفقين ان شاء الله
Tel : 22449091
Twitter @GatheringKW Instagram @GatheringKW
اول ما تدخلون جمعية كيفان بتلقون جهاز يديد اول ما شفته استانست مفيدددد خصوصا لاهل الحصالات 🙂
الجهاز يعد الخرده اللي تبون تصرفونها لدنانير ويعطيكم وصل تصرفونه عند مدير الجمعيه
تعليمات سهله
خوش جهاز والله ولا لوية الفرع ولا فشيلة البنك 🙂 ماقصروا جمعية كيفان اول ما افج حصالتي امركم 🙂
