يوم الخميس رديت من الدوام ولقيت بالصاله 4 جياس كبار وجيس صغير من جوكليت اند ماكرون
هدية خاصة لعيد الاضحى المبارك
شنو كان فيهم ؟؟؟؟ 4 كيكات مختلفة من كيكهم اللذيذ وانا افتحهم كنت اقول يارب يايبين جيز كيك المحلبية لأني احبها وايد والحمدلله كانت من ضمن الكيكات 🙂 واول كيكة حلينا فيها بعد الغدا
الباجي وديتهم كلهم وياي اليمعه علشان يستمتعون الحبايب بالكيك الطيب
وصفيناهم على الطاولة 🙂
اول وحده جربوها كانت الكلاسيك جوكليت كيك
وايد عجبتهم بصراحه
الثانية كانت كيكة الفستق
خيالية انا وايد حبيت الطبقة اللي فيها حشوة الفستق ناطعه
الريد فيلفت الصراحه ماقدرنا نذوق السكر ارتفع ههههه فكانت الاحتياط ليمعة الاهل الثانية بس انا كنت ذايقتها من قبل و كانت لذيذة
جيز كيك المحلبية هذي غرامي انا وايد احبها لذيذة وطبقة المحلبية فيها ماي ورد لازم اقول هالمعلومه لأنه في ناس ما تحب ماي الورد بالمحلبية بس انا احبه طيب
هالكيكة اكثر كيكة انصح فيها لأنها المفضله عندي 🙂
آخر شي كان بوكس الماكرون بطعم السولتد كاراميل
شكرا لجوكليت اند ماكرون على العيدية الكريمه وعساكم من العايدين الفايزين يارب
Tel : 22997919
Twitter & Instagram @ChocoandMacaron
