كرك غلام

karakgholam1
بالكويت اكثر المشاريع اللي تفتح باستمرار مختصة بالاكل 🙂 ومادري ليش تصير هبه افتتاحات جماعية لنفس نوعية الاكل كب كيك كب كيك شاورما شاورما برجر برجر
هالمره الهبه خاصة بالكرك (الجاي حليب) والجباتي سبق انه فتحوا جم مشروع لكن اماكنهم صغيره وللتيك اوي اكثر من القعده

هالمشروع غير كلش لأنه مكانه كبير وقعدته حلوة وشرحه ما شاء الله وحتى نوعية الاكل بتكون متنوعه مو مقتصرة على الكرك التقليدي والجباتي العادي

كرك غلام استضافونا لتذوق بعض الاطباق واخذ فكرة عن المكان قبل الافتتاح

بتشوفون مكان بسيط لكن يشوق وفيه روح جميلة وبعض الفناتق بالديكور

اعيز اقول المكان شرح خصوصاً بهالوقت بتحلى القعدات الخارجية بالجو الحلو فزهبوا عمركم عندهم خوش قعده

شوفوا بالصور جزء من المكان

karakgholam2karakgholam3karakgholam4karakgholam5karakgholam6karakgholam7

اللوحات زوغه لازم اذا دخلتوا تقرونهم 🙂
صاج غلام انا بعد ضايق خلقي على سينما الفردوس كنت احبها 🙁

karakgholam8karakgholam9karakgholam10
هذي علب شاي راح تكون ديكور وهم في شي منها للبيع 🙂
karakgholam11
حبيت شكل الاضاءة
karakgholam12
القعده الخارجية
karakgholam13
اثناء اعداد الكرك
karakgholam14
كركهم خياااااال وايد وايد وايد طيب وريحة الهيل خنينة تبط الراس ما شاء الله
karakgholam15
الشي اللي استغربته ورغم اني ما احب الحليب واهو بارد لكن حبيته
ايسد كرك عجيييييييييييييييييييب ويسرسح وطعمه ناااار
karakgholam16
وصلنا لي وقت التذوق وكانوا مجهزين لنا جم نوع من الانواع الكثيرة اللي عندهم
اول شي بتكلم عن الجباتي نفسها (في ناس يسمونها براتا ) اللي عندهم وايد رقيقة مو متينه وطعمها لذيذ وخفيفة ماترجخ دهن وهالشي ممتاز

اول نوع ذقناه كان الفلافل باختصار قااااااااااتله من لذاذتها
اللي يحب البصل بتكون عنده نمبر 1
شي مو طبيعي وايد طيبه
karakgholam17
ثاني نوع التيركي مع الجبن هم كانت لذيذة
karakgholam18
مرتدلا مع جبن وايد طيبة بس التيركي عندي احلى
karakgholam19
اللبنه مع الخيار والنعناع
كانت جيدة بس ملاحظتي انه يبيلها لبنه زياده لأنه النعناع والخيار ضيع طعم اللبنه الخفيف
karakgholam20
حلوم كانت حلوة مع الطماط المجفف
karakgholam21
قشطة مع عسل لذيذة بس انا احب اكثر لسعة الجبن كرافت مع العسل
karakgholam22
نوتيلا
karakgholam23
ناطرين الافتتاح ان شاء الله والحين قاعده اكتب البوست وفي خاطري الكرك 🙂 موفقين ان شاء الله يا كرك غلام وبانتظار وصول غلام بالسلامه علشان نشرب الكرك من ايده 🙂
كرك غلام في مجمع دار العوضي – الدور الارضي
Instagram @KarakGholam

2 comments

Comments are closed.