Me Time Nail Spa
كان لي تجربة معاهم اول مافتحوا ما كانت موفقة وبعدها كنت امرهم بين فترة وفترة اذا كان عندي شغل بالافنيوز اغير لون الصبغ بس يعني مو تجربة كامله واللي يخليني امر لأنه مكانه بالافنيوز واغلب طلعاتنا صارت هناك فأسهل لي المرور عليهم خصوصا انهم كانوا المكان الوحيد للعناية بالاظافر بالافنيوز
الاسبوع اللي طاف كان مروري عندهم غير لأني مو بروحي 🙂
خواتي كلهم وصديقاتي كانوا معاي وتسكر المكان كله لمدة ساعتين تقريباً علشان نستمتع بالخدمة مع بعض ونسولف ونغير جو
المكان مثل ما اهو مرتب وشرح ولاحظت شي حبيته ان العاملات اغلبهم تغيروا وصار عددهم اكبر
وحتى استقبالهم لنا كان بنفس حلوة
انا انسانه احب اللون الابيض يعطي شراحه ويفتح النفس 🙂
عندهم مجموعه كبيره من الاصباغ من ماركات مختلفة وحتى الجيليش موجود
طبعا البنات ما شاء الله عليهم واصلين قبلي وبادين
من قال مايحبون الدلع والتزكرت هههههه عليكم بالعافية
كان الاختيار على المانيكير والباديكير العادي علشان يمدي الوقت
البنات حبوا شغلهم واستمتعوا
احلى شي وجود شاشة تلفزيون على كل كرسي خصوصا اذا الوحده يت بروحها تشغل عمرها على ما تخلص
نيا خلصت اول وحده وقعدت تنشف اظافرها 🙂
يمعه بدون قهوه عربية ما تنفع ,, انا ماخذه عدتي معاي القهوه والفناجيين (من فورجن كوكي بأولمبيا مول) وحتى الموالح الصغيرونه و حتى نورة صديقتي مطارتها معاها ويايبة خوش بيتيفور للبنات
والسالفة صارت تدوير اللي تخلص تقدم وتقهوي اللي ماخلصت 😀
انا اخترت اسوي فرنش مانيكير
ٍSugar Daddy احب لون
من ايسي
وخلصنااااا
صورة للذكرى في مي تايم 🙂
ستاف مي تايم
شكرا مي تايم نيل سبا على الاستضافه الجميلة واليمعه الحلوة
Me Time Nail Spa, Avenues Phase 2, floor 1
Tel : 22598025
Instagram @MeTimeNailSpa
عليكم بألف عافيه بس سؤال انتو ماتصلون؟لان الصبغ يمنع الوضوء
الله يعافيج
والله بصراحه مادري شقولج !! الله يهداج هذا سؤال !! مانصلي ! ليش يهود !
الصبغ له وقت معين موضروري اشرح متى اذا انتي حرمه اكيد تعرفين
والوحده هم تقدر تحطه فترة وتشيلة وتصلي شنو المشكله !
Comments are closed.