وانا اتمشى في محل الالعاب هامليز في دبي مول شفت زاويه لمحل اسمه بيبي بلينج يشووووق كله اغراض للمواليد
من الف الى الياء ملابس واكسسوارات وهدايا وغيرها
وعندهم فناتق تشوووق
شوفوا الصور 🙂

Tel: +971 4 339 8889
Hamleys, Dubai Mall
Site Link

من فتره شفت بالانستغرام مال صوص دبي عن مكينه يايبينها خاصه للهدايا وموجوده بفرع واحد بس اهو فرع الوصل سكوير
كان خاطري اشوف هالمكينه اللي مشوقتني وفرعهم اللي بالوصل لانه الاشياء اللي فيه تختلف عن فرع دبي مول
طبعا بما انه احنا ربع تكاسي فسألت جم تاكسي ماعرفوا المكان الا واحد اشوه والحمدلله كان مو بعيد
مكان مفتوح وفيه محلات وكافيهات بس مو كامل ليلحين وعلى فكره اللي بيروح خل يتفق مع تاكسي احسن لانه قعدنا ننطر اكثر من نص ساعه يالله حصلنا تاكسي بالرجعه

المحل كان يشوووووق وعندي وايد اشرح من اللي في دبي مول

وصار وقته اتفاهم مع المكينه وكانت سهله جدا بس لازم يكون عندكم ماستر او فيزا علشان تشترون
بصراحه ماكو شي عجبني انا بس في ماق على جمجمه عجب نصوري وقلنا ناخذه

سوينا كل الخطوات وكانت بسيطه جدا لكن تقلقص الجيس بالمكينه و مو راضي يطلع !!!

الجيس متنح مو راضي يطيح ! والفلبينيات اللي يشتغلون ماعندهم مفاتيح المكينه !! انزين يا جماعه شنسوي ! لا راضين يردون لي فلوسي ولا راضين يعطوني بدالهم شي ! تخيلوا عقب هالعنوه علشان المحل 🙁 قالولي نطري يومين والفلوس ترد بحسابج
وما جذبوا صج بعد يومين ردوا الفلوس بحسابي بس حسيت السالفه بايخه يعني مجرد مفتاح المكينه طلعوا الجيس وكل شي ينتهي ليش العقد !!

المهم خلونا من المكينه اللي كرهتها ههههه وشوفوا شنو شفت بالمحل 🙂

لقيت استكانات وبعض القطع من بيسس باي فرح 🙂

هالاكواب يشوقون عقب مارديت الكويت شفت ان بار في السالميه يستخدمونهم 🙂

فيونكه

الكلاتشات يشوقون كان فيه منهم الوان وهم شفاف

Al Wasl Square, Opposite Safa park
Tel: +9714 388 3488
Instagram @Sauceloves