من زمان وانا اسمع عن كافيه كامل من الثلج في احد مولات دبي
كل مره اروح انسى اسأل عنه لكن هالمره كنت حاطته في لستة الاماكن اللي بزورها
Chill Out الكافيه اسمه
مكانه في تايمز سكوير سنتر على شارع الشيخ زايد
الدخول الشخص ب ٦٠ درهم مع مشروب (هوت جوكليت) مجاني
اول ما دفعنا خذونا غرفه فيها ملابس خاصه دافيه بمختلف المقاسات للصغار والكبار مع قفازات وبوتات
وركن للسيفونيرات
وبعد ما لبسنا انطلقنا لداخل الكافيه الثلجي
الكافيه كله الطوَف والكراسي من الثلج وحرارة المكان تقارب ١٦ درجه تحت الصفر
مسوين مجسمات حلوه لمعالم دبي من الثلج
وهذي مجسمات اخرى بعد
المكان صغير مو وايد كبير والفتره المسموح تقعدون فيها ٤٥ دقيقه تقريبا
وقعدنا بالبرددددددد ننطر الهوت جوكليت
عندهم منيو فيه بعض المشروبات الاخرى والمأكولات الخفيفه
وصل وصل الهوت جوكليت
بالنسبه لي ما حبيته وااااايد حالي
تجربه حلوه والمكان ونيس بس وترى مختلف كليا عن سكي دبي مافيه شي مجرد كافيه ثلج
About the author
