تراوالي اللي يقرالي تعود على الاشياء اللي اسويها وعرف ميولي شحب وشكره هههه
بالشتا لااااااازم امر حديقة الحيوان تكرمون
ادري في ناس بيقولون شخباري وفي ناس بيقولون ماكو شغل وشنو اللي يخليج تستانسين فيها
بقولكم اول شي كسر روتين ثاني شي بريدات والواحد يقدر يتمشى وفيها حديقه وفيها شواذي مينن بس يونسون باختصار استانس 🙂
المهم الاسبوع اللي طاف خذيت عيال اختي ونصور ولد رفيجتي وخذينا مدتنا (بساطنا) واكلنا وقشنا ورحنا الحديقه الظهر والا على الباب عالم وعالمين يحجزون
وجزاه الله خير المظف خذا مني بس دينار عني وعن الخدامه اما اليهال كلهم بلوووشي دشوا
تلقون جذي بره !! يدششون عيالكم كلهم بلاش ! الله يعز الكويت
وتوكلنا على الله ندور زاويه حلوه تحت شجره نفرش بساطنا
غديت اليهال وشرولهم كره وقعدوا يلعبون
وانا كفخني البرد كان ودي العب معاهم بس استحيت من الناس ههههه
شريت لي جويهه وقعدت اتطمش
تالي قلت لهم يالله امشوا نروح للحيوانات قبل لا ينامون
طبعا اليهال ماصدقوا شافوا الناس يوكلون الصخول والغزلان طلعوا كل بطاطهم وجابلوهم ههههه
الشواذي يونسون بس هالسنه صاكين عليهم القفص صكه حتى فجه نعطيهم موز مثل كل سنه ماكو 🙁
الزرافه مادري منو بارها بخبزه ايرانيه ههههه
الدب
المكاو مادري البغبغاء
وهذا هم طير شحلوه ماشاء الله
هالشتا فرصه تزورون الحديقه مع عيالكم صج انها عنونه والحيوانات مو وايد بس المتعه انتوا تخلقونها وترى اليهال هالشي وايد يونسهم
