ما هو جديد نابكيت؟ أنسام بيزا – خلطة مميزة من المشروم و جبنة الريكوتا و بيضة في النصف – هذه البيزا غير موجودة في قائمة الطعام لدى نابكيت ولكنها ستكون متوفرة من اليوم
بعد نوعين اليوقرت وصلت بيتزا انسام في نابكيت .. ان شاء الله اجربها واكتب عنها بوست 🙂
Napket branches are located in:
For More updates follow them on twitter @napketkw
تذكرونهم ؟؟؟ ايامنا هالمذكرات كانت ثروة عظيمه 😀
دوختكم بجيل الثمانينات ياحلوهم بس كيفكم دامه جيلي واحبه بتسمعون مني ذكريات وايده عنه 🙂
هالمذكرات سلمكم الله ثروة قوميه مو طبيعية ماتخلى جنطة اي بنت بالابتدائي او المتوسط منهم وكل وحده تتباهى انه مذكرتها ااحلى وان الابلة الفلانية كاتبتلي ولا الممثل او الممثلة موقعين لي والستيكرزات اشكال والوان ولازم وضروري يلصقون صورتهم يم الذكرى اللي يكتبونها
شرايكم اخصكم بجم صفحه من مذكراتي اللي نفضت الغبار عنهم 😉
اول ذكرى من انسانه غاليه على قلبي وروحي امي الله يرحمها .. شوفي التاريخ بالغزو @@ بعد قلبي اميمتي تحرصني على الصلاة والصيام ياربي تلقينها عند ربي حبيبي اللي مايضيع تعبج فينا .. الصلاة ولله الحمد ان شاء الله كامله والجامعه وخلصتها والحمدلله لحقتي عليها وفرحتي بشهادتي 🙂
شوفوا ذكرى ام نفول لوول عاد الله يهديج شفيج حاطتلي الستيكرز مخلص 😛
ولا تكسرين عضامج الاقلام مكودة بالمكتبات ههههه
قولوا مشاء الله ترى احنا ليلحين صديقات وعسى الله لا يفرقنا :*
شخباااااااااري فرع ذهب وفرع ياقوت
مو مقبول الاسف حسافة لو حاطه الصورة نتطمش 😛
ما صرت دكتورة ما احب اشوف الدم ادوخ واطيح .. صح خواتي ؟ 😛
يحليلها هذي رفيجتي ايام المتوسط مصرية اسمها رهام الجمل 🙂 جانج بالكويت وتقرين البلوق ناطرة تعليقج
طيار وبلا ايجار ودرزن يهال !! ليش مادري خخخخخ
ابله فاطمه اتينن ابلتي بالابتدائي اموووت عليها ذهبه
خط مميز محد ينساه 🙂
حنوووون تذكرين ؟
ابله ايمان المسلم زوغه اموووت عليها واذكر بعد الغزو اختارتني ضمن الطالبات اللي يقدمون اوبريت ابناء الكويت مع شادي الخليج .. لا تشوفونه ما راح تجكوني 😛
دكتورة ديمة اي اي هذي انتي كاتبتلي ذكرى ههههههه اهم شي ادعيلي بالعمره ! ترى مادري دعيت يومها ولا لأ 😉
مشكورة بنت خالي انتي الوردة والله :*
يا زين ايامنا ويا زين طفولتنا بذمتكم مو احسن من جيل الايباد اللي راحت عيونهم وصاروا يرعين ولسانهم يلوط اذانهم 😛
هي فكرة يديدة ومبتكرة وخاصة بالموظفين Eat Gourmet
تعودنا نشوف علب شركات الدايت تتوزع على البيوت الصبح والظهر لكن ايت غورميه فكره غير .. ملخصها الاهتمام بوجبة الريوق والغدا وانواع الساندويتش الخاصة بالموظفين على حسب الساعه اللي يحددونها ولها اكثر من اشتراك وخيارات الاكل متعدده
احلى شي اييك الريوق كامل ومرتب في بوكس انيق لي مكتبك بدون تفكير شنو تتريق ومن وين ؟
كان لي موعد مع فريق ايت غورميه الاخت هند والاخ باسم في مكتبي وماقصروا شرحولي الفكرة واخترت الوجبات ومحتوياتها اللي ابيها وكلها لفترة الريوق وراح ابدي اجربها باجر الاحد ولي بوست آخر كامل عنها بإذن الله
هذي قوائم الريوق والغدا والساندويتش
بما ان اختياراتي كانت كلها لفترة الريوق .. اقترحت علي الاخت هند اضافه يوم لتجربة غداهم وتركت لي الاختيار من القائمة الاسبوعية اللي عندهم ومن بين الانواع الموجودة اخترت مرق البامية مع العيش الابيض ومعاها نوع من السلطة والسويت واخترت السلطة اليونانية وكيكة الفستق اضافه الى المشروبات الغازية وفضلت الماي
وصلتني العلبة بالموعد وحبيت هالبداية انهم ما تأخروا ومضبوطين بمواعيدهم 🙂
محتويات العلبة
السلطة اليونانية كانت راهية والخضراوات فريش وايد عجبتني
الغدا وصل حااار وشكله يشوق ومشاء الله المرق متروس من البامية الزينه واللحم
قطعة كيكة الفستق اللذيذة
باجر ان شاء الله يبدي عرضهم المقدم لي للريوق ومتشوقه اتذوق خصوصاً انه وجبة الريوق أحبها اكثر من الغدا والعشا 🙂
كل الشكر لإيت غورميه والاخ سعود العنزي على العرض المقدم لي ومتابعتهم وتواصلهم الدائم
Tel : 1800011
Site (Link) FB (Link) Twitter (@EatGourmet)
حلو الواحد يشوف عيال ديرته يتميزون بشي يحبونه ويجابلون شغلهم اللي اهو بالاساس هوايتهم ويتوسعون فيه
عمر الرفاعي وضاري الحويل بعد النجاح اللي حققه مطعم سولو بيتزا نابوليتانا افتتحوا مطعم خاص للبرجر اسمه هاش تاق من فتره بسيطة
المطعم صغير وبسيط ومرتب
يفتح المطعم بالفترة المسائيه فقط من 6:30 الى 10:30 م
ويوم الجمعه يسكر
عندهم سله يعرضون فيها لزباينهم الحلويات الخاصة بأصحاب المشاريع المنزليه الصغيره وعلى حسب ما عرفت كل اسبوع يختارون مشروع .. فكره حلوة ودعم الكويتي للكويتي شي راقي برافو شباب 🙂
حتى اللوحات في هاش تاق كويتية بأنامل أحمد الرفاعي اللي مشاء الله عليه يرسم عن طريق الكومبيوتر
فكرة البلاك بورد والطباشير أحبها 🙂
خل نلقي نظرة على المنيو عندهم 3 انواع من البرجر اضافه للنوع الرابع اللي يكون السبيشال ويتغير يومياً
طريقة الطلب تختارون اللي تبونه من المنيو وتطلبونه من الكاونتر وياخذون اسمكم وتدفعون وتختارون مكانكم تنطرون اكلكم 🙂
هالحلوو يساعدهم وياخذ الطلبات اسم الله عليه 🙂
Big Bear و برجر السبيشال كان HashTag اخترنا برجر
ضاري يجهز البرجر .. البرجر كان شكلها حدها فريش
يم يم منو ما يحب الجبن السايح
الفرايز مع البابريكا شي خطير
تجهيز الهاش تاق
البيق بير او الدب الكبير كان سرها في استخدام العسل مع البرجر !! ادري بتعجبوون مثلي بس كان طعمها خيال
واخيراً وجباتنا جاهزة و مرتبه مع ضحكه من الشيف ضاري 🙂
اللي يحب الصوص ترى عندهم انوااااااااااع واشكااااال والوااان من الصوص
صار دور الهجوم على البرجر
اول شي البوتيتو بون او الصمونه كانت اتينن وايد ترفه ولذيذة والبرجر فريش وايد حبيته
اما البيق بير كانت من صج خيال ماتخيلت العسل بيكون جذي يقلب الموازين عجيبه عجيبة تسلم ايدك ضاري
و لازم قبل لا اطلع تكون لي بصمه في المكان 😀
ضاري وعمر الف مبروك الافتتاح عسى الله يوفقكم يارب ونشوف لكم مطاعم بكل مكان بالكويت ومشكورين على الدعوه والاكل الطيَب 🙂
Hashtag Burger is located next to Solo Pizza Napulitana, Sharq, Behind Omar Ben Alkhattab St
Follow Hash Tag on Twitter & Instagram for more info & updates @hashtagq8
“The National Society for Protection of Children would like to invite you to its annual charity exhibition on April 25th, 26th and 27th, from 10:00 am till 10:00 pm at Al Raya Centre, ground floor. The exhibition will include many participants offering kaftans, bags, accessories, fine jewellery, food, sweets, books and paintings from Kuwait and the GCC.
The official opening of the event will take place on April 25th at 6:30 pm under the patronage of Shaikha Aida Al Sabah.”
