مذكراتي أيام المتوسط ! أيـــــام لا تنسى

by // // Comments off

تذكرونهم ؟؟؟ ايامنا هالمذكرات كانت ثروة عظيمه  😀

دوختكم بجيل الثمانينات ياحلوهم بس كيفكم دامه جيلي واحبه بتسمعون مني ذكريات وايده عنه 🙂

هالمذكرات سلمكم الله ثروة قوميه مو طبيعية ماتخلى جنطة اي بنت بالابتدائي او المتوسط منهم وكل وحده تتباهى انه مذكرتها ااحلى وان الابلة الفلانية كاتبتلي ولا الممثل او الممثلة موقعين لي والستيكرزات اشكال والوان ولازم وضروري يلصقون صورتهم يم الذكرى اللي يكتبونها

شرايكم اخصكم بجم صفحه من مذكراتي اللي نفضت الغبار عنهم  😉

اول ذكرى من انسانه غاليه على قلبي وروحي امي الله يرحمها .. شوفي التاريخ بالغزو @@ بعد قلبي اميمتي تحرصني على الصلاة والصيام ياربي تلقينها عند ربي حبيبي اللي مايضيع تعبج فينا .. الصلاة ولله الحمد ان شاء الله كامله والجامعه وخلصتها والحمدلله لحقتي عليها وفرحتي بشهادتي 🙂

شوفوا ذكرى ام نفول لوول عاد الله يهديج شفيج حاطتلي الستيكرز مخلص 😛

ولا تكسرين عضامج الاقلام مكودة بالمكتبات ههههه

قولوا مشاء الله ترى احنا ليلحين صديقات وعسى الله لا يفرقنا :*

شخباااااااااري فرع ذهب وفرع ياقوت

مو مقبول الاسف حسافة لو حاطه الصورة نتطمش 😛

ما صرت دكتورة ما احب اشوف الدم ادوخ واطيح .. صح خواتي ؟ 😛

يحليلها هذي رفيجتي ايام المتوسط مصرية اسمها رهام الجمل 🙂 جانج بالكويت وتقرين البلوق ناطرة تعليقج

طيار وبلا ايجار ودرزن يهال !! ليش مادري خخخخخ

ابله فاطمه اتينن ابلتي بالابتدائي اموووت عليها ذهبه

خط مميز محد ينساه 🙂

حنوووون تذكرين ؟

ابله ايمان المسلم زوغه اموووت عليها واذكر بعد الغزو اختارتني ضمن الطالبات اللي يقدمون اوبريت ابناء الكويت مع شادي الخليج .. لا تشوفونه ما راح تجكوني 😛

دكتورة ديمة اي اي هذي انتي كاتبتلي ذكرى ههههههه اهم شي ادعيلي بالعمره ! ترى مادري دعيت يومها ولا لأ  😉

مشكورة بنت خالي انتي الوردة والله :*

يا زين ايامنا ويا زين طفولتنا بذمتكم مو احسن من جيل الايباد اللي راحت عيونهم وصاروا يرعين ولسانهم يلوط اذانهم 😛

About the author

PinkGirl
PinkGirl
Traditional Kuwaiti Girl, i have the passion of blogging and updating my readers for any thing new at K-town.

40 comments

  1. نزهاويه says:

    هههههههه كل جيل الثمانينات قبل الغزو عندهم مذكره اوتوجراف :p
    علينا سوالف عجيبه .. تجفس صفحات و سوالف استكرزات خخخخ

  2. Khulood says:

    آخر صوره ضحكتني كلمة ( كلورده ) صديقتك هذي أكيد كانت كسلانة بالعربي . :))))

  3. Radan says:

    زوقت قلووووووبنا طيوبه !!!! احلى ذكرياااات و ليتني خاشه مذكرتي !!! ههههههههه

  4. bnt jaber Blog says:

    🙁 اي والله زوغتي قلوبنا انا قطيتهم لان ما احب اتذكر الاشياء الحلوة لانها تحرق القلب عاد عندي مذكرتي الوردية اللي اطلع ريحة حلوة لووووول كل ابلاتي وارفيجاتي كاتبيلي صاجة والله ايام اتبجي :”( من جذي قطيتهم بس شوفت موضوعج خلتني اندم على قطتهم لوووووووووووووول

  5. ابرار المفيدي says:

    طييوووووب وين رديتيني ….الله يحلات هالذكريات والله ماتنسي
    يسعد ايامج ربي ويرحم امويمتج وخليلكم ابيج

    • PinkGirl
      PinkGirl says:

      آمين ياربي حبيبتي برورة
      ايام جميلة وذكريات حلوة والله

  6. heba says:

    عورتي قلبي وبجيتيني خاصة اني الحين احس كبرنا وعيلنا اااخ سبحان الله الايام مرت بسرعة

  7. Haneen says:

    واو طيووووووووووووب ايييي اذكر اذكر والاستيكرز الصغار إلي تحت مقصصتهم وحدة وحدة عشان ما يصير لون الطرف أبيض متنقصتهم لج لوووول وليلحين باقي منهم شوي خاشتهم بعلبة والمذكرات غلي عندي ليلحين موجودين :)))

  8. q8-borgy says:

    امبييييييييييييه رجعتيني حق ماضي جميييييييل

    صج ذكريات حلوه كل جيلنه عاشها

  11. alshimmeri says:

    احلى جيل الثمانينات و بلا منازع,
    انا كانت دفاتري ام قفل و كنت احط فيها وردة طبيعية و اصكر عليها عشان تجف (:
    و كنت اكتب باقلام فسفوري يطلع وياها زري

    و رسمات قلب و بالنص حرفين .. و عين نازل منها دمعه لوووول

    بس للاسف كللللهم راااااحو ضاااعو مع انه الكل كاتبلي الاهل و الصديقات و الابلات

    اااخ حسافة عليهم

    • PinkGirl
      PinkGirl says:

      قمة الوقاحة وشايلين اللوقو حاطين اسم موقعهم !! @@
      مشكلة النت ما فيه حفظ لحقوق الملكية

  13. اسورة says:

    اللهم امين عس الله لا يفرقنا حبيبتي بنكية الصراحة رديتي فينا الايام الحلوة الي هالجيل ما حس فيها الله يا جيل المذكرات والذكريات شوقتيني ارد صغيرة بس عشان أحط أستي كرز احلى من الفاضي

  15. SiLeNTGRL says:

    ليلحين اذكر ريحة هالمذكرات كانت لهم ريحه مميزه
    وام قفل لووووووول

  17. لولوه الشمري says:

    ذكرتيني بمذكراتي كنت دايمن اشتريهم من مكتبة الروضة
    الله يرحم امج ويخليلج ابوج ويوفقج

  18. NONA says:

    وااااااااي يا حلو هالايام!!
    اذكر في جمل غريبه تنكتب مثل اكتب بالاحمر لتذوب المحبه كالسكّر!! و اكتب لك بالرصاص لتدوم المحبه بالاخلاص
    ياحلو أيامنا ايام الثمانينات قمة البراءه

  20. هيونه says:

    الله ياني بجيت بجي وانا اقرا حجي امج اللي كاتبته لج .. الله يجعل مثواها الجنه ان شاء الله..مذكراتج ردتني خمس وعشرين سنه ورا..ياحلوها من ايام.ا..

Comments are closed.