The Conjuring

صارلي فترة مادخلت فيلم رعب حلو ويسوى وقبل جم يوم وبعد حنه من صديقتي مروى حجزنا حق فيلم The Conjuring

الفيلم بطولة

Vera Farmiga – Lili Taylor – Patrick Wilson

واخراج James Wan

يقال انه القصه حقيقية خصوصا بعد عرض صور الشخصيات الحقيقية بآخر الفيلم

القصة باختصار عن زوجين (اد و لورين) اللي متخصصين بالتحقيق بالظواهر الخارقة والارواح الى درجد انه عندهم بالبيت غرفة مليئة بمخلفات شريره من القصص اللي ساهموا في علاجها مثل دمية انابيل وغيرها

ينتقل الزوجين الى منزل ريفي اشترته اسرة مكونه من اب وام وخمس بنات بعد طلب الام مساعدتهم لوجود ارواح شريرة تلاحقهم وتنوي ايذائهم

وهنا يبدء الرعب الحقيقي في الفيلم

قصة مرعبه ومشاهد ومؤثرات صوتية خطيرة باختصار الفيلم روعه بس يخررررررع اللي يحب هالنوعيه من الافلام لا يطوف هالفيلم

اخليكم مع تريلر الفيلم

واللي شاف الفيلم و وده يشوف شلون سووه هذي الفيديوات من خلف الكواليس 🙂