الواحد بالويك اند او غيره يدوَور مكان اكله لذيذ وهادي علشان يستمتع بالريوق
كان لي زياره سابقه لمطعم لوكاندا (اضغط هنا) اللي بدوا يستقبلون الزبائن على قائمة الريوق اليديدة عندهم والحلو ان الريوق يبدا مبجر الساعه 8
هذا المنيو الخاص في فتره الريوق
طلبنا عصير برتقال احلى شي الصبح
ووصلتنا سلة الخبز وفيها انواع كثيرة من المخبوزات الطيبة
ريوق بدون جبن و زيتون مو ريوق علشان جذي كانت البداية مع صحن اجبان مشكله وصحن فيه تشكيله من الزيتون بخلطات خاصه بالمطعم
هالطبق بسميه الذبَاح .. اهو جاينت مشروم وفوقة بيض سكرامبل وعليه جبن شيدر مبشور وعلى جنب خبز الفوكاشيا اللذيذ
واااايد طيب هالطبق انصحكم تجربونه
وهالطبق نفس السكرامبل بس على بيض عيون وبدون جبن .. لذيذ بس حلاته تاكلينه حار بحار
فولهم لذيذ ويقدمونه مع عصير الليمون وزيت الزيتون
النهاية كانت مع كريب نوتيلا وسكوب ايس كريم فانيلا .. يم يم
اللي يحب الاجواء الهادية ترى لوكاندا موجودين استمتعوا بريوقكم على انغام فيروز 🙂
Locanda Restaurant Located in Shuwaikh, behind Tilal
Tel : 60666711 – 24929202
حبيت اقوولج يعطيج العافيه ع المدونه اللي اكثر من روعه … بصراحه تعتبر مدونتج ثاني شي افتحه بعد الجريده الصبح يعجبني الاماكن اللي تروحينها وصراحتج في الاماكن حتى ودي ازور الكويت واروح الاماكن اللي غطتيها اما بنسبه للاماكن في دبي رحتلها بعد ما شفتج رحتيلها ما كان عندي علم بها.
اسمحيلي طولت عليج بس من زمان وانا خاطري اكتبلج
الله يوفقج ياربي واتمنى اني اشوفج شخصيا اذا انشالله زرتي الامارات وخاصه ابوظبي لا تحرمينا شوفتج
الله يوفقج ويعطيج الف عافيه
حبيبتي ابا تغطين ع بعض الخدمات المنزليه للصالون خاطري اشوف كيف ترتيب الخدمه المنزليه عندكم عشان مفكرة اسوي نفس المشروع
حبيبتي حمده تشرفني متابعتج والله يعافيج يالغاليه
يا زين الامارات .. ان شاء الله ان كان لي زياره لبو ظبي يسرني التعرف عليج يالغاليه
بالنسبة للخدمات المنزليه فالاغلب تقريبا للنيل واغلبهم تم تغطيتهم في المدونة مجرد تكتبين بالسيرج Nail spa
وان شاء الله تطلع لج كل البوستات السابقه
صج يبيله تجربة ان شالله وعليكم بالعافية
وانا اشيد على كلام الاخت احني متابعينج في تويتر والمدونة و الانستغرام يعني
راج وراج
الله يعافيج حبيبتي
يا زينكم والله ويا زين متابعتكم الله لا يحرمني :*
Comments are closed.