الجزء الثاني من جولتي بملتقى كويتي وافتخر الخامس
Walloffa mb معرض
مصممه كويتية هذي بداية انطلاقها .. تصاميمها وايد حلوة واسعارها جداً مناسبة خذيت منها بلوزة وايد حبيتها فيها سبايك هبة هالسنه
Tel : 50551156
Japan Order اما بوث
يوفر لكم منتجات حصريه يابانيه سواء ازياء او اغذية او العاب واكثر من ذلك ايضاً
Site Link
وهالسنه حاطين فرقة موسيقية و وحده تغني اغاني وطنيه
الفنان يوسف القلاف من المشاركين المتمزين برسمه الكارتوني
وهذي بعض البوثات الموجودة ايضاً 🙂
هالبوث للمصممة الاماراتية ايمان الفلامرزي زوجة الفنان محمود بوشهري
ضيافة كويتي وافتخر .. تمر لذيذذذ
هالبوث مميز ايضاً بالسكارفات اللي عندهم .. كل سكارف يمثل لوحة فنية بتوقيع صاحبها مطبوعه على السكارف وكل سكارف يحمل اسم اللوحة نفسها
Site Link
المفاجأة الحلوة كانت وجود فرقة التلفزيون اللي اكيد يضيفون لمسة حلوه للمكان بأغانيهم الرائعه
ومن يقدر مايتهزهز اذا غنوا فرقة التلفزيون مفتون قلبي في هوى الغزلان ياعبيد 😀
كل الشكر للاخ عبداللطيف الرباح مصور وموثق اعمال فرقة التلفزيون على اهداءه الحفلتين الاخيرين لفرقة التلفزيون لي
واحنا هناك صادفنا الفنان النشط محمد الحملي 🙂
المذيعه السعودية المتميزة منى ابو سليمان كانت موجودة وهذا لقاء لها مع المذيع صالح الراشد على تلفزيون الراي
الثلاثي الجميل هند الناهض, منى ابو سليمان ونوف المضيان
المكان هالسنة وايد اوسع ومريح
برج الحمام مشاركين هالسنة وحاطين حلوياتهم الشامية اللذيذة
Desserts Du Monde ضيافه ككاوية من
مشاء الله ككاوهم وايد لذيذ وعندهم ميني معجنات يشوقون
Tel : 99222860 – 25333928
Site Link
صديقنا فرايد جانك هنااااك لا تخلون مرووه ترى يستاهل حمودي
Mates Popcorn
بوب كورن يديد على الساحة وافتتح محلهم مؤخرا في حولي مقابل امبرس وايد حبيت بوثهم وطريقة عرضهم والالوان عسى الله يوفقهم
Zero Degrees & Cherriez الفروزن يوقرت مازال موجود وباكثر من مشارك مثل
مطعم ايامي مشاركين ويضيفون الناس بمقرمشاتهم اللذيذة
المعرض يستحق الزياره لاتطوفونه وشباب الكويت يستاهلون دعم اهلها واهم موجودين لي يوم السبت
الفتره الصباحية من 10 الى 2
الفتره المسائيه من 4 الى 10
بأرض المعارض الدولية – مشرف – قاعه 8
قواج الله ومجهود واضح
موفقه خير دائما
الله يقويك اخوي اجمعين يارب
Loooking Goooood sister :* hind alnahedh
Mashalla tagh6eeya momtaza o ya36eech el 3afya 🙂 Bas sara7a ma3ajbni rags elshabab ely bel deshadeesh el zerg ! yestahbeloon ??? ferqat el talfezyoon ferqa fanha raqi o robaina 3alaiha ! o hathaila yayeen yesta3be6oon 3alaihom ?? dance in your own time do whatever you want don’t steal attention when real artists are preforming
teslmeen 7bebty ,, 9aja ana awal ma bedaw yarg9on estanast 3lehum b3den bedaw e5oronaah allah yhadehum ma adre sheno alfekra men rag9hum eb hal6areqa bs ahma kanaw esawon 7arakat y3ne funny
المعرض وايد حلو و التغطيه ممتازه الله يعطيج العافيه
بس انا ما عجبتني رقصة اللي لابسين أزرق على أغنية احنا نفخر .. فرقة التلفزيون فرقه مرموقه و محترمه و هذولا قاعدين يستهبلون!! كلش مو حلوه الحركه فيها قلة احترام للفرقة و للأغنية الوطنيه
الله يعافيج حبيبتي .. وانا معاج اول ما رقصوا كانوا يونسون بعدين قاموا يخورونه 🙁
الصراحة فرقه الحملي اللي لابسين ازرق وايد معطين صورة مستهترة للشباب الكويتي وين الفخر بهز الخلفيه والرقص الاستعباطي الهبلي استهزاء بفرقة التلفزيون ثانيا حاطين معاق ذهني يترقص شرقي جدام الناس والناس تضحك عليه ولا احد من المنظمين وقفه وابعدة هاذي قيمة المعاق بالمجتمع أتمني ما ينحذف الرد
انا معاج بالنسبه للفرقه اول ما بدوا كانوا يرقصون عدل بس الله يهديهم خاروها عقب وماحبيت هالشي اما الاخ المعاق ترى مو اهم اللي يايبينه لا والله اهو دخل يرقص والكل كان مستانس عليه وحابه مو تطنز استغفر الله
وما ابعدوه لأنه مسكين وحاب يشارك بالعكس قدرت لهم هالشغله ليش يكسرون بخاطره
السلام عليكم الله يعطيج العافيه على المجهود لي متى المعرض انطر متى يفتحونه ماودي اطوفه وان شاءالله ازوره
وعليكم السلام .. الله يعافيج حياتي وسوري رديت متأخر اليوم السبت اخر يوم
ماشاءالله خووش تغطية لو سمحتي احتاج رقم اللي تسوي السكارفات ضروري ، لان في سايتهم بس حاطين الايميل
مشكووووووورة
العفو حبيبتي لكن مع الاسف حتى انا بالكرت مالقيت رقمها 🙁
Comments are closed.