قبل 3 سنوات كنا من رواد كمبنسكي الجليعه لكن بعد ما تغيرت الاداره وصار سيشل هذي اول مره نحجز فيه
سيشل في الجليعه طريق 245 بجانب شاليهان الجون وصالح شهاب
عندهم غرف فندقية وشاليهات بأسامي مختلفة مثل (عنبر – مرجان – جود – فيروز – محار) وعلى حسب اختياركم لعدد الغرف في الشاليه من 2 الى 4 غرف اضافه الى الفلل الفاخره المطله على البحر مع حمام سباحه خاص وتراس
شاليهنا (مرجان) طابقين و بقيمة 180 دك الليله و يحوي 3 غرف نوم + غرفه خادمه مع حمامها
صاله وغرفة طعام اضافه للمطبخ طبعا
الاطلاله على حمام السباحه والحديقه
المكان وايد نظيف مهتمين جداً بهالناحيه
هالبووت يونس يطيرررر كان ودنا نجربه بس ان شاء الله باليايات
هالياهل الله يحفظة نكته مع خدامته ,, مخليها تسبح بروحها بالبحر واهوو مزاجة قاعد يتطمش على اليال ويشرب سفن آب سلم قلبه
تأجير الجيت سكي والبنانا والطراريد
اللايف جاكيت مقاسات والوان واشكال
وجود سينما للاطفال بأوقات محدده
حفلة دي جي كل جمعه مسابقات وفقرات ووناسه
استمتعنا بويك اند جميل في ربوع سيشل وبنهاية البوست لازم اكتب السلبيات والايجابيات علشان اللي بيروح يستفيد
الايجابيات :
– الاهتمام الكبير بالزرع والازهار
– نشاط المنقذين على حمام السباحه
– بوفيه ريوق مجاني مع الشاليه – سيكون له بوست خاص
– وجود سوبرماركت صغير
– سينما مجانيه للاطفال
– حفلة دي جي مميزة لفرقة حبايب الكويت
– وجود حمام سباحه خاص للنساء فقط
السلبيات :
– دخول سياره واحده للشاليه الكبير
– عدم وجود شواية خاصة بالشاليه .. وجود خدمة تأجير مبالغ بأسعارها 19 دك للكبيرة و 11 دك للصغيره
SeaShell, Julai’a, Road 245
Tel : 1844 444
Site Link
عيشتيني بجو منعش .. وايد حلو المكان..كل مرة اتروينا بالكويت اماكن حلوة قواج الله
الله يقويج حبيبتي 🙂
يونس هالمنتجع رحت له قبل 3 سنين اظن 2008
اخذنا الشاليه الكبير اللي عالبحر بس بدون حمام سباحه
و كان اسمه سي شل بعد مو كمبنسكي 😉
هذا اهوا ما تغيرّ يونس حق تغيير الجو
عليكم بالعافيه
عليكم بالعافية وناسة والله انا رايحتله بس ماحجزت فيه و عندي لج اسئلة اذا تقدرين تجاوبين ماعليج امر 🙂
بجم سعر الفيلا مع البرايفت حمام سباحة؟ و قلتي ان في حمام سباحة للنساء هل هو مكسوف بالشمس يعني و لامسكر؟ و اخر سؤال شنو الوضع هناك زحمة و يهال و كله خدم ولا هدوء؟
و ماقصرتي 🙂
انا رايحتلى وحده حلو والاسبوع الجاي رايحتله
صراحه حده حلو ويونس
Comments are closed.