BlackBerry Bold 9900 وأخيراً بدلت جهازي التحفه وخذيت
انا من عشاق جهاز البلاك بيري ما اقدر استغنى عنه, جهازي القديم بولد 2 لفظ انفاسه الاخيره قام وايد يعلق والبطارية غيرتها مرتين وماكو فايدة بسرعه تخلص
فكان الحل اشتري جهاز يديد واكيد البولد اليديد اهوو الاختيار الافضل بعد ما قريت اكثر من بوست عنه وسألت بعض الاصدقاء ومدحوه
شريت الجهاز من شركة زين للاتصالات واول ما وصلت البيت بطلت العلبة وطلعت الموبايل استكشفه واشوف محتويات العلبة
اول انطباع حلوو .. حجمه اعتقد بالضبط نفس البولد القديم بس وايد اضعف واخف
العلبه فيها (الجهاز + هاند فري + البطاريه + الشاحن + قطعه قماش لتنظيف الشاشه + حافظه جلدية + كيبل يو اس بي) واكيد دليل الاستخدام
صارلي تقريباً اقل من اسبوع استخدم الجهاز .. وايد حبيته خصوصاً شاشته الكبيره ولوحة المفاتيح كبيره ايضا ومريحه وحساسه بسرعه تطبع
بالنسبة للشاشة اللي تعمل بخاصيه اللمس وايد مريحة بعكس شاشه التورج القديم اللي استخدمته مدة اسبوعين وما قدرت اتحمله
البلوتوث صار وايد احسن واسرع من باقي الاجهزة القديمه
شكل الجهاز انيق بوجود الكروم على الاطراف والبلاستيك اللي يشبه الفايبر اللي بمغطاة البطارية
الشي اللي ما حبيته الكاميرا كلش مو واضحه بس بوجود صديقتي الكاميرا الاصليه على طول بجنطتي مو مهم 🙂
الف مبروووووووك … تكسرينه بالعافيه هههههههههه .. يعطيج خيره و يكفيج غيره لوووووول 😛
الله يبارك فيك شكرا شكرا
مبروك عليج الجهاز عليج بالف عافيه
هل جربتي استخدام الاي فون ؟؟؟
بوجهه نظري المميز بالبلاك بيري فقط خاصيه الــ BBM
بدونها ما اتوقع في احد يشتريه صح كلامي ولا غلط ؟؟؟
سألوا لي عن السياره اللي بالبوست السابق ابي اسمها
ببحث عنها وبطلبها ضروري :)))
فصلت عليها والله ذكريات مو صج
الله يبارك فيك
اي انا يوزر حق الاثنين وصح البي بي ام اهو اللي مميز بالبلاك بيري 🙂
3alaich bil3afya ;*
allah e3afech 🙂
عليج بالعافيه انشالله
والفال لي اغير التورج الدلوع ;p
الله يعافيج حبي .. ان شاء الله لوول
تكسرينه بالعافية إن شالله حبيبتي :*
غريبة عاد وإيد مدحوا كاميرته !! معقولة ما يازتلج !!
الله يعافيج حبيبتي
اي والله الكاميرا ضيم ماعجبتني موليه
عالبركه عالجهاز اليديد,,,انا عجبني اكثر من 9800 torch
استخدامه حلو بس الحين الآي فون اليديد بالطريج 🙂
الله يبارك فيك .. انا يوزر حق الاثنين ناطره ايفون 5 🙂
Comments are closed.