من المطاعم اللي نصحوني ازورهم في البحرين مطعم كوكوز بالعدليه
دخلنا الشارع اللي فيه المطاعم وعيزنا ندور لانه التاكسي ماكان عارفه فأنصدمنا انه المطعم يمنا بس ما عليه اعلان ولا شي عباره عن بيت قديم
القعده بره حلوه يبيله جو شتوي او ربيعي
كان الوضع زحمه ونطرنا تقريبا ربع ساعه وجهزولنا طاوله بالدور العلوي
هالتمثال كان بالدرج
ماقدرت اصور على راحتي كان زحمه لكن قبل لا نمشي فضى المكان شوي خذيت هالصوره
ما اتذكر اسامي الاطباق عندهم لانه راوينا الويتر صور من الانستغرام وعرفت شنو نبي لوول
هالطبق وايد لذيذ مرق ربيان مع عيش ابيض طيــب
قطع دياي بصوص لذيذ مع الفرايز
ميني برجر
قالولنا لا تطوفون الكريب
بس بصراحه عادي يعني مو واو توقعناه الذ
قهوه تركيه
Coco’s Café is located in Adliya, Bahrain
Tel: 17 716 512
محل ستكانه .. البحرين
بعد زيارتنا لمطعم زعفران في المحرق
تمشينا يمه لقينا محل صغيرررر اسمه ستكانه وديكوره من بره يشوق على افيشات افلام عربيه قديمه فدشينا
المحل يونس عنده خرابيط وفناتق استيكرات للحائط وفناجين واكوابه وصواني عجيبه وكوشيات وغيرها
سوبرمان بحريني 🙂
حق مفتاح الكهربا
يشوق
Review : Saffron by Jena .. Bahrain
من الاماكن اللي رحت لها في البحرين وحبيتها كونها جمعت التراث بأكله وبعض الديكورات وبالمكان الشعبي الجميل اضافه الى لمسات عصريه بسيطه خفيفه
مطعم زعفران باي جينا
لو اروح بروحي مستحيل ادله لانه بين فرجان ودواعيس بالمحرق القديمه الجميله
عندهم اكثر من فرع بس ماني عارفه مواقعم بالضبط اضافه اني طلبت اشوف المكان الاقدم فيهم
المطعم ماخذ مكان مدبسه مابي اشرح وافتي لاني ماعرف الشرح بالضبط لكن مكان كانوا يزلون فيه الدبس من التمر
والشرح بيي بالصور القادمه
القعده بره تشوق بس يبيها جو حلو
وهذي المدبسه وشرحها
وهذي مدبسه داخل المطعم ومسكرينها بارضيه شفافه تمشون فوقها
المطعم صغير لكن شرح وخدمتهم حلوه
وايد يعجبوني الناس اللي يدربون العماله على حسن التعامل مع الزباين
عندهم فلبينيه اسمها ايرنا حد الذرابه والضحكه البشوشه
احلى شي وانتوا قاعدين تسمعون الاغاني البحرينيه الحلوه مثل يالزنه ذكريني وما معاكم خبر زين وهلا باللي لفاني ياهلا به
ضيافتهم تميرات
سألناهم اذا عندكم منيو قالوا لا وريوقنا واحد
قلنا يالله هاتوا اللي عندكم 🙂
يابولنا ماعون مقسم فيه فول وحمسة بطاط وبيض طماط وفاصوليا حمره
كل شي كان طيب
بلاليط مع بيض
خبزهم التنور خفييييف ولذيذ وفريش تبارك الرحمن
جان زين خبابيزنا بالكويت يسوون الخبز جذي خفيف
وهذي فطاير على جبن
وباكوره ساندويتش
كرك
وبعد ما خلصنا ريوق وطلبنا الحساب وزعوا علينا قلاص صغير فيه ماي الزعفران باااارد
الموقع: سوق القيصر ّية – مدينة المحرق
أوقات العمل: الساعة ٩ صباحا – ١ ظهرا ومن الساعة ٤ مساءا – ٨ مساءا
تلفون : +9713623191
Pistache Chocolate Bar & Cafe Soon in Al Seef Mall
من محلات الچوكليت اللي لازم نمرها بالبحرين Pistache
عندهم احلى قرص عقيلي مغلف بالشوكولاته لذيذذذذ وخنين
مكانه بمجمع العالي يم حلوى شويطر
وانا اتمشى بالجزء الجديد من مجمع السيف شفت انهم بيفتحون محل اكبر هناك اضافه الى كافيه خاص فيهم
Boucheron Quatre Rings
ماركه قديمه والخاتم من چم سنه نازل Boucheron
لاحظت هالسنه انه انتشر خاتم بوشرون بشكل كبير وصارت شبه هبه مثل خواتم الكارتير والشوبارد والفان كليف
بالكويت مافيه بوتيك لبوشرون مريتهم البحرين في مودا مول
الخاتم اللي بدون الماس سعره ١٨٥٠ دينار بحريني
واللي فيه الماس يوصل سعره ٣٠٠٠ وشوي
احلى شي عجبني فيه انه يجمع الفضي والروز قولد والذهبي يعني ينلبس مع كل شي
فيلم جوازه ميري
ياسمين عبدالعزيز من النجمات المميزين عندي وايد احبها واي فيلم ينزل بالسينما احجز بدون لا افكر ادري انه بيكون شي عجيب
هالبنت عسل وتنحب على هبالتها اتينن
حضرت امس فيلم جوازه ميري اللي يتكلم عن بيري السلموني (ياسمين عبدالعزيز) اللي تدور عن معرس وتلقى بالصدفه شابين تتعرف عليهم وماتدري انهم يصيرون حق بعض لكن اهم عرفوا وقرروا انهم يستمرون بالقصه ويستميلونها الى ان تختار واحد فيهم ويفوز بقلبها
اما اهي فحبت الاثنين وكان الاختيار الصعب اما آدم او سيف 🙂
الفيلم حلو لكن بنظري افلام ياسمين القديمه كانت احلى
اعلان الفيلم