مكان رائع اجواء جميله وعشاء فاخر ولذيذ جذي قضينا ليلة امس في مطعم فيراندا الموجود في هارفي نيكلز في الغراند افنيو

والتابع لشركة محمد حمود الشايع 

وصلنا الساعه 7 وبلغونا ان الدخول بيكون من بوابة فيراندا الرئيسيه الموجوده في الغراند افنيو مقابل شيك شاك .. المكان مسكر والكل بانتظار المدعوين

صعدنا الدرج اللي تصميمه غريب ومميز وعصري كله مرايات 

منطقة انتظار الزوار

المطعم ديكوره وايد حلو, غريب وراقي جداً 

ابتكار التصاميم الداخلية في مطعم فيراندا على يد المصمم العالمي الشهير آدم د. تيهاني

ومبين بالصوره المدخل الثاني للمطعم اللي بيكون من الدور الاول داخل هارفي نيكلز

الألوان هادية بين الابيض والبيج مع الرمادي الفاتح والمساحات مفتوحة في المطعم 

واايد شرح

تقدرون تختارون تقعدون في القسم العلوي اللي مو صوب البرنده او الفرنده وشوي يكون عائلي وهادي او القسم اللي يطل على الغراند افنيو (الفرنده) واكيد بالنسبه لي اهو الاحلى حق التطمش اينن 

الجهه الخلفيه من المطعم اللي تودي لمكرم السامع الحمام

ضيفونا بالعصاير البارده يم يم كل شي كان لذيذ

وعطونا المناشف قبل لا يبدون يضيفونا بالاكل

وصلت سلة الخبز اللي يخبزونها مخصوص عندهم وتقدم فررريش مع الزبده

وقبل لا نبدي مرنا مدير المطعم بيتر وشرحنا لنا عن المكان وعن الاكل وبعدها بدوا يقدمون لنا الاطباق

طبعاً المنيو ماكان جاهز واهم مسوين لنا قائمه طعام للمدعوين والاكل حجمه اقل من اللي راح يتقدم طبعا بالمطعم 

First Bites اول شي بدينا بال

قطع الباجيت مع جبن الموزريلا والشيري توميتو مع بيستو الريحان والبلسمك

وايد لذيذة وخفيفه

Homemade Hummus

حمص يقدم على الفلفل الاصفر طريقة التقديم والطعم عجييييب 

تمازج الحمص مع الفلفل معطي طعم ناطع

Aubergine Moutabal

متبل مقدم على قطعة بيديان مشوي على الفحم

هم كانت لذيذة

Duck Spring Rolls

رول لحم البط مع الرمان وجيتني طماط حار واااااايد لذيذة 

King Prawn Tempura 

ربيان مقلي مع الزعفران وصوص المايونيز الخاص فيهم

واكيد دام ربيان اكيد بيكون لذيذ

Starters وبعدها يابولنا ال

وصل لنا طبق مغطي بغطا زجاج شفاف ومبين البخار على الزجاج 

Salmon

انا كلش كلش مو من ربع السالمون فما راح اقول رايي لأني ما ذقت

Canadian Lobster Ravioli 

كان طعمه ظريف والله 

Main Courses وصلنا ل

Hammour Medallions ans salsa

بالنسبه للاطباق البحريه مو كلها احبها بس جربت الهامور ووايد عجبني 

Josper baked lamb Moussaka

شي وايد لذيذ .. لحم مع بيديان مع طماط خلطه طيبه

ولازم بعد الاكل نخلي مكان للحلو مع القهوه

نصحني الويتر بالريد كابتشينو وهو نوع يديد يقدمونه عندهم يصير خلطه بين القهوه والشاي ويقدمونه مع العسل

والله عجبني طعمه غريب

صديقتي شوق مدحت قهوتهم التركيه تقول مضبووووطه

Desserts والختام مع ال

Mini Chocolate Mousse

بالنسبه لي ما احب الموس بس عندهم الموس عجييييييييييب وخفيف وطعمه كريمي وغني بالدارك جوكليت مع الكرز

Pineapple & Raspberry Mille-feuille

وايد وايد طيب الميليفيه عندهم واحلى شي انه نازك ما يدمر .. العاده الميليفيه يتفتفت ويدمر الدنيا لكن هذا غير

شكراً لشركة الشايع والاخت روان فرحات والعاملين بمطعم فيراندا على الضيافه المميزه والعشاء الرائع

فيراندا راح يفتح غداً الثلاثاء 12 مارس من الساعه 11 صباحاً حتى 11 مساءاً وسيكون هناك منيو خاص لفترة الافطار قريباً