Coverage : Christian Louboutin Signing Event in Kuwait

وصلتني دعوة من بوتيك لوبوتان لحضور ايفنت التوقيع الخاص بمصمم الاحذية العالمي كريستيان لوبوتان في الصالحيه

الدعوات كانت اوقاتها تختلف علشان الدخول يكون مرتب للتوقيع

وصلت وكان المكان حده زحمه والكيوو طويل 🙁

وانا ما يبت معاي مكرم السامع جوتي قلت مره وحده ابي جوتي يديد فعلى ما طلعوا لي الجوتي وصفيت بالدور 

خذا وقت وايد 

وشورانا غير التصوير وقت النطره

الوضع كان شوي حر والبنات كاشخين في كعوبه ماتوا من الوقفه مساكين .. كلشي ولا البرستيج يخترب لازم كعب بأرضيه حمرا علشان الوضع يكتمل 

بالنسبه لي حاسبه حساب الوقفه فالفلات الحل الوحيد في مثل هالايفنتات مو مهم البرستيج بهالوقت اهم ما علي راحتي 😀 

صديقتنا المدونه تينا ناطره التوقيع 

اللي كان مأخر الكيوو ومو راضي يمشي ان لوبوتان مستمتع ومو قاعد يوقع قاعد يرسم وينقش ويفنتق

لازم يسمونه ايفنت رسم مو توقيع 😛

شفت هناك المصمم فهد المرزوق 

والمذيع هاشم اسد

وبعد ساعتين انتظار وصل دوري 🙂

واستلمني الاخ ليش بينك و مو لابسه وردي ياخي نيك نيم ان شاء الله ما اصير من فوق لي تحت النمر الوردي هههههه عاد امس مووووليه ماكو ولا شي من لبسي وردي

يقولي لا لازم على طول تلبسين وردي قلتله ان شاء الله المره الياية اييك بالوردي 

وادري فيه ما يعرف عربي بس عطيته كرتي خل يتطمش على الصور بدون لا يقرا ههههه الصور تعبر 😛

وهذا التوقيع 🙂

شكراً حجي لوبوتان 

عند البوتيك حاطين معرض صغير للاحذيه اللي مسويها لوبوتان من مجموعاته السنين اللي طافت