الاسبوع اللي طاف وصلتني دعوة رقيقه من اصحاب بوتيك لكِ نون
fait maison عباره عن ورود جميله مع جار براونيز طازج ولذيذ من
يوم الاربعاء كنا بافتتاح المحل بالتجاريه واستقبلونا اصحابه الله يوفقهم
وخذينا جولة في المحل وشفنا مجموعه من القطع الجميله بين ملابس واكسسوارات
الاكسسوارات
الكاترينج كان من لازورد
بوتيك لك نون في برج التجارية, المرقاب, شارع السور, الميزانين1, محل 5
Tel : 22968055
Instagram @Laki_noon
غدانا اول امس كان من بيغل فاكتوري اللي دزولنا 5 انواع بيغلز من اختيارهم
عندهم 6 انواع من خبز البيغلز ساده وبالبصل وبالسمسم والدارسين مع الكشمش والاسمر والطماط المجفف
اما الحشوات فأكيد انواع واشكال
اول نوع كان الجيكن فاهيتا كانت وايد لذيذة والبيغل بالبصل كان ناطعه وترفه
ستيك في بيغل بالسمسم
فلافل في سن درايد توميتو بيغل
بيرجر بيغل
جيكن سيزر بيغل .. عجيبة وايد حبيتها
وايد ناس مدحولي البيغل فترة الريوق .. ان شاء الله اجربه قريب
Bagels Factory Located in Sharq, Al Muzaini Tower, Mubarak Al Kabeer st
Tel : 22416227
Twitter & Instagram @BagelsFactory
أغلب اللي متابعيني عدل يدرون ستاربكس من الاماكن المفضله عندي .. استمتع بشرب الانواع اللي احبها عندهم
ومن الافرع اللي احبها لأنها هادية نوعاً ما خصوصاً العصاري فرع ستاربكس الدعية
تعودنا لما ناخذ قهوتنا هالجم شهر الاخيرين انه يكتوب اسم الزبون على كوب القهوه الورقي لكن في الدعيه غير
هناك في فنانين ما شاء الله عليهم موهوبين .. آرثر واليكس يتفننون بالرسم على الاكواب مع كتابة الاسم
شي ميكي ماوس وشي ورده او سبونج بوب وقطوه ونقشات
شي يونس صراحه 😀
حلو انه الواحد يربط هوايته بشغله
@R2R_ اللي حاب يشوف رسومات اكثر هذا اكاونت آرثر على الانستغرام
The first pic via Instagram @yousiff1987
وصلتني هدية جميلة من بيت التمويل الكويتي بمناسبة السنه الميلادية الجديدة
علبه فضيه انيقه داخلها علبتين من الجاي الاخضر الفاخر المستورد من بريطانيا
كل الشكر لبيت التمويل الكويتي على الهدية الصحيه الراقيه وكل عام وانتم بالف خير
سبق اني سويت ريفيوو سريع (اضغط هنا) عن مطعم برجر هوليك في مول 360
امس جربت اشياء ثانية عنده على الغدا و كانت وايد لذيذة
المنيو غيروه زادوا عليه اشياء
طلبنا نوعين بطاط وحلقات بصل
Crunchy potato balls – crispy melted cheese bites & Onion rings
البطاط دائما وبكل مكان وزمان لذيذ وصلصة البوتيتو بولز وايد لذيذة وفيها لسعة حروره
ونفس الشي الاونيون رينقز اهو والصلصة ناطع
المره اللي طافت خذينا سلايدرز فهالمره جربنا البرجرز اللي عندهم
Rome Burger هذي اسمها
برجر مع الموزريلا والجرجير والمشروم مع صلصه البلسميك .. عجبتني طيبه
Crispy House Burger وهالذباحه اسمها
البرجر مع الموزريلا والفلفل وصلصة خاصه مع الخس والطماط والفرايد اونيون
وبعد فاصل وراحه وسوالف جربنا حلوياتهم
Caramel Mountain
لذيذة وتبرد على القلب
Nutellaholic
حلوة بس ثقيله حلاتها وجبة بروحها ومعاها قهوه
المره اللي طافت خدمتهم كانت بطيئه لكن هالمره لاحظت انه عدد الويترز زادوا والخدمة صارت اسرع برافو
BurgerHolic Located in Sky Lounge, 360 Mall
Instagram @Burgerholic
وصلتني دعوه من شركة زين للاتصالات لحضور المعرض الخاص بالسيارات اوتو موتو 13 في مول 360
واليوم مريت المعرض اللي راح يستمر من 22 يناير وحتى 26 يناير 2013
بالفتره من 10 صباحا وحتى 10 مساءا
المعرض ماخذ عدة اماكن في المول لكن اكبر عدد من الشركات والسيارات موزعه في الروف .. احلى شي اوت دور بس لاتنسون نظاراتكم الشمسية
وكنت احسب ان المعرض بس للسيارات لكن فيه شركات خاصه بالسياكل والبانشيات والغولف كار وغيرها
والراعي شركة زين للاتصالات حاطين بوث يشرحون فيه اخر عروضهم واستقبلونا البنيات وماقصروا
علشان اكون صريحه انا احب السيارات لكن كلش ماني متابعه ومهتمه اني اعرف مميزات كل سياره الا اذا كنت شرايه فهذا شي ثاني ههههه
فعلشان جذي اقولكم تمتعوا بالصور وكل الشركات الكبيره للسيارات موجوده اللي مهتم بهالشي ترى المعرض جداً مميز ويسوى العنوه
لا تضحكون انا من بين كل هالسيايير السنعه حبيت هالشي الازرق .. يازينه حق البر
بذمتكم مو زوغه هالمجكنمه ؟ سكيورتي بعد مهي هينه
حتى مكرم السامع البوتات والجاكيتات الخاصه بالسياكل موجوده
