العام بشهر 11 كانت لي زياره لحديقة الحيوان في العمرية وكتبت بوست عن زيارتي اضغط هنـا
يوم الخميس بالليل كنت اسولف مع كويت رين وقلت لها الجو حلو شرايج نروح حديقة الحيوان !! قالت لي يالله لوول هالبنت تصدمني بقراراتها السريعه استااااانس منها مؤيدة درجه اولى
ودزيت مسج على طول لأنسام ومنووو قال قالت لا على طول اي ابـــــــــــــي ايي لوول اتينن والمفروض كانت دوديت معانا بس كانت مشغولة هاليوم وماقدرت تيي
قمت الصبح وزهبت عدتي لوول اكيد البنات بيقولون لكم في بوستاتهم شنو العده 😛
ووصلت اول وحده للعمرية وبعد اقل من 3 دقايق كانت انسام موجوده والاخيره كانت كويت رين
وبما انها الاخيره اهي اللي دفعت فلوس تذاكر الدخول 😛
ممنوع تدخلون هالاشياء الى الحديقة !! منو قال دخلنا مواد غذائيه @@
مشاء الله والله قديمه حديقة الحيوان من 1968 م معلومة يديده اول مره اعرفها 
تبون تضحكون !! شوفوا الكشك يأجر عربانات للاطفال على سيايير
بما ان قشنا وايد فكرت كويت رين وقررت تأجر لنا همر لغريضاتنا
الساعه = 1 دك
همرنا جاهز وغريضاتنا جاهزة للرحله
اول مكان رحنا له اكيد الشواذي متعة الحديقة لوول يونسوون
وبدت رين تجكجكهم
ايواا قضب الموزة 🙂
كويت رين بتذكرنا بطفولتنا فكل الاكل اللي يايبته قديم عيشتنا بجو الثمانينات 😀
هالشمبانزي مو صج مينوون ههههههه جابلناه مجابل
كان حاط دوبه دوب انسام يطلع لها اصوات بحلجه متنا عليه من الضحك
هالحلو خافوا منه البنات مسكين وخافوا يعطونه موزة
انا الوحيده صرت شجاعه وطاولته موزتين وعليه 😛
وصلنا للغزلان يحلوهم وهذي انسام توكلهم خبز
هذي مسكينه محد معطيها ويه وعيزت تحوس تبينا نصورها وماكسرنا بخاطرها 🙂
الفيـــل .. عيزت اقولهم الفيل له اسم له اسم والبنات مو مصدقين يضحكون علي وفجأة سمعتني وحده من اليهال جان تقولي اسمه فيل !! نعم لوول ادري انه فيل بس له اسم ويا شماتت ابلة ظاظا في
بالاخير ردوا علي اداره الحديقة بتويتر وقالولي اسم الفيل مالك والفيله دلال .. شفتوااا انسام ورين مو تضغطوني هااااا
I Feel Good haaaa 😛
وناسة بعد شواذي ههههه وبعد الموز موجود ماخلص 
بنفس هالمكان تقريباً وبيوم الاربعا 24/10/1984 صار معاي هالموقف ونزلته لكم فيديو اضغط هنــا 😉
ولازالت كويت رين توكل الشواذي 
منو قال كسرت كل القواعد واشقحت السور تبلع بهالشواذي ههههههه 
النمر المنقط مسكين ماله خلق من الحر
الدب الاسود
ولما خلصنا جولتنا بالحديقة مانسينا نشيل كل الوصخ تكرمون ونحطه بجيس ونعلقة على الزباله تكرمون لأنها كانت متروسة وهذا اللي نحرصكم عليه لأن حسافه نلقى الفضلات بكل مكان ونخرب المكان الحلو والاداره موفرين بكل مكان سلة نفايات
بآخر المطاف كويت رين تعبت من المشي وردت طفولتها وقعدنا ندزها بالهمر ههههههه
وناسه مشغلين القطار 🙂
التذكره = 350 فلس
وركبنا القطار علشان نشوف كل الحديقة 
كانت الساعه 1 تقريباً وبدت الشمس تصير حاره وكان لازم نبرد على قلوبنا بآيس كريم
يم يم 
واحنا طالعين شفنا الاسد اللي ذبحتنا عليه انسام ودورناه بكل الحديقة واقف ينطر عند الباب 😛
جولة حلوة وممتعه ردينا فيها اطفال مره ثانيه ركضنا وضحكنا وصورنا ووكلنا الحيوانات وسولفنا بصراحه متعه
بس فقدت شغله كانت موجوده اواخر التسعينات كانوا حاطين مكان الناس يقدرون يصورون مع الشواذي والحيه وغيرها وهم في مكان ركوب الجمل والخيل كان وايد مسوي جو وذكرى حلوة التصوير معاهم ياريت يردون هالشغله
اكيد ننصحكم بزياره لحديقة الحيوان اخذوا عيالكم واكلكم وكاميراتكم واستمتعوا 😀
Kuwait Zoo FB (Link) Twitter (@Kuwait_zoo)
