العام بشهر 11 كانت لي زياره لحديقة الحيوان في العمرية وكتبت بوست عن زيارتي اضغط هنـا
يوم الخميس بالليل كنت اسولف مع كويت رين وقلت لها الجو حلو شرايج نروح حديقة الحيوان !! قالت لي يالله لوول هالبنت تصدمني بقراراتها السريعه استااااانس منها مؤيدة درجه اولى
ودزيت مسج على طول لأنسام ومنووو قال قالت لا على طول اي ابـــــــــــــي ايي لوول اتينن والمفروض كانت دوديت معانا بس كانت مشغولة هاليوم وماقدرت تيي
قمت الصبح وزهبت عدتي لوول اكيد البنات بيقولون لكم في بوستاتهم شنو العده 😛
ووصلت اول وحده للعمرية وبعد اقل من 3 دقايق كانت انسام موجوده والاخيره كانت كويت رين
وبما انها الاخيره اهي اللي دفعت فلوس تذاكر الدخول 😛
ممنوع تدخلون هالاشياء الى الحديقة !! منو قال دخلنا مواد غذائيه @@
مشاء الله والله قديمه حديقة الحيوان من 1968 م معلومة يديده اول مره اعرفها
تبون تضحكون !! شوفوا الكشك يأجر عربانات للاطفال على سيايير
بما ان قشنا وايد فكرت كويت رين وقررت تأجر لنا همر لغريضاتنا
همرنا جاهز وغريضاتنا جاهزة للرحله
اول مكان رحنا له اكيد الشواذي متعة الحديقة لوول يونسوون
كويت رين بتذكرنا بطفولتنا فكل الاكل اللي يايبته قديم عيشتنا بجو الثمانينات 😀
هالشمبانزي مو صج مينوون ههههههه جابلناه مجابل
كان حاط دوبه دوب انسام يطلع لها اصوات بحلجه متنا عليه من الضحك
هالحلو خافوا منه البنات مسكين وخافوا يعطونه موزة
انا الوحيده صرت شجاعه وطاولته موزتين وعليه 😛
وصلنا للغزلان يحلوهم وهذي انسام توكلهم خبز
هذي مسكينه محد معطيها ويه وعيزت تحوس تبينا نصورها وماكسرنا بخاطرها 🙂
الفيـــل .. عيزت اقولهم الفيل له اسم له اسم والبنات مو مصدقين يضحكون علي وفجأة سمعتني وحده من اليهال جان تقولي اسمه فيل !! نعم لوول ادري انه فيل بس له اسم ويا شماتت ابلة ظاظا في
بالاخير ردوا علي اداره الحديقة بتويتر وقالولي اسم الفيل مالك والفيله دلال .. شفتوااا انسام ورين مو تضغطوني هااااا
وناسة بعد شواذي ههههه وبعد الموز موجود ماخلص
بنفس هالمكان تقريباً وبيوم الاربعا 24/10/1984 صار معاي هالموقف ونزلته لكم فيديو اضغط هنــا 😉
منو قال كسرت كل القواعد واشقحت السور تبلع بهالشواذي ههههههه
النمر المنقط مسكين ماله خلق من الحر
ولما خلصنا جولتنا بالحديقة مانسينا نشيل كل الوصخ تكرمون ونحطه بجيس ونعلقة على الزباله تكرمون لأنها كانت متروسة وهذا اللي نحرصكم عليه لأن حسافه نلقى الفضلات بكل مكان ونخرب المكان الحلو والاداره موفرين بكل مكان سلة نفايات
بآخر المطاف كويت رين تعبت من المشي وردت طفولتها وقعدنا ندزها بالهمر ههههههه
وركبنا القطار علشان نشوف كل الحديقة
كانت الساعه 1 تقريباً وبدت الشمس تصير حاره وكان لازم نبرد على قلوبنا بآيس كريم
واحنا طالعين شفنا الاسد اللي ذبحتنا عليه انسام ودورناه بكل الحديقة واقف ينطر عند الباب 😛
جولة حلوة وممتعه ردينا فيها اطفال مره ثانيه ركضنا وضحكنا وصورنا ووكلنا الحيوانات وسولفنا بصراحه متعه
بس فقدت شغله كانت موجوده اواخر التسعينات كانوا حاطين مكان الناس يقدرون يصورون مع الشواذي والحيه وغيرها وهم في مكان ركوب الجمل والخيل كان وايد مسوي جو وذكرى حلوة التصوير معاهم ياريت يردون هالشغله
اكيد ننصحكم بزياره لحديقة الحيوان اخذوا عيالكم واكلكم وكاميراتكم واستمتعوا 😀
Kuwait Zoo FB (Link) Twitter (@Kuwait_zoo)
وايد غيروا فيها والله عجبتني ،، لازم آخذ اليهال وونزورها قريب . مشكورة بينك جيرل عالتقرير العجيب فعلا يشجع علي زيارة الحديقة بطلتها الجديدة
العفو حبيبتي وان شاء الله بتستانسووون 🙂
والله ذكرتينا بما مضى 🙂
بس حرام الحديقة احس مهملة و مؤ مهتمين فيها
الحديقة يبيلها شوية تغيير وتجديد احسها ماتغيرت من فتحت
متي تفتح وهل السبت موجودين
كل يوم الا يوم الاحد تسكر
looool a7is elbarrid latheeeth 3lekom bl3afya khoosh re7la:P`
allah e3afeech 🙂 ee walla re7la kilha fun
Awww so cute hehe I remember going to the zoo for the first time in 2008 with my little sister and cousins and took my aunt and uncles it was a very fun outing hehe lovely pictures and so glad you had an awesome time!
2008 !! ma re7tay wenty e9’3era ? ‘3arebbbaaa 🙂
we had really good time u should do it with lujain ya zenha :*
ماشالله تصويرج واااايد حلووو
واللقطات الي ماخذتها اتجنن
الله يعطيكم العافيه انشالله وننتظر جديدكم
مشكورين 🙂
الله يعافيك اخوي والله يحلي ايامك 🙂
loool so much fun 😀 too bad i missed it, stupid flu 🙁
yalla next hangout is the entertainment city 😀
ma etshofen shar dear
enshallah why not 😛
عليكم بالف عافيه
خووش تقرير وخوش مكان
قاعده مجابله الموضوع واتبوسم ردت لي الذكريات تسالني زميلتي شفيج ضحكتج غريبه ههههههه
الله يعافيج حياتي يعلها دوووم الضحكه شاقه الحلج 🙂
الله وناسة وشراحة حده انطر الجو يبرد زيادة عشان اخذ ولدي العام وديته كان توه يمشي مايعرف الحيوانات عدل هالسنة ان شااءالله بوديه و بشوف ردة فعله شكله بيستخف لي شافهم بالصج
زين سويتي كتبتي تقرير الصراحة الحديقة تينن بس يبيلها تجديد و وكان وايد فيها تكسر و تحفر أتمنى عدلوه و يبيلها خريطة نفس سوالف الدول الأجنبية و تصير موقع سياحي مهم بالكويت ؛)
ان شاء الله بتستانسون .. صج انها بسيطة الحديقة بس صاجه شرحه وونيسه 🙂
It really was a fun day 😀 we broke the routine and did something different 😀 And unexpected hehehehe
yes 7da fun waied estanast weyakum :*
عليكم بالعافيه
خوووش رحلة
بس اتوقع الفيله اسمها دلال اذا ماخاب ظني 😐
الله يعافيج حبوبة .. صح الفيلة دلال والفيل مالك 🙂
Comments are closed.