عقب ما حطينا جناطنا بالفندق رحت مع اختي نتمشى بالمجمع اللي يمنا
المجمع صغير وعادي كلش
هذي صور للمجمع
Cinema Pink احلى شي بالمجمع
استانست على الاسم والسينما تشوق
حتى البوب كورن يشوق 🙂
وعقب التمشي لقينا مطعم مادو اللي مشهور بحلوياته وخصوصا الكنافه وبسطنا ناكل كنافه
لذيذذذذه
وجان اقول حق اختي امشي نتمشى بالشوارع والسكيك وان تعبنا خذينا تاكسي ورينا 🙂
احلى شي بالسفر التمشي والاكتشافات ههههه
المهم وصلنا شارع طويل فيه محلات وبلعه وكشكات وناس رايحه راده
T Shop يا سلام على ال
عربانة ذره
وهذي لخبز السميط المشهور عندهم
حسافه كان صيف ماكو عربانة كستنه بس بالشتا
ومحلات فاكهه وحلويات طول الطريج
ووصلنا لي راعي الدندرمه التركيه
ووقفنا نشوف شلون يحضر الدندرمه واختي طلبت منه
وهذي توزع تويكس دعايه
واحنا نتمشى لقيت قطاوه مسدحين قربت باخذ صوره ومابقيت الا عمري فجت حلجها وعطتني خزه قشره وسوت وضعيه الهجوم ماشافت الا غبرتي
الله ياقطاوتهم قشرررررران قطع
جبح ويهه
وصلنا لي نهايه الشارع وشفنا البحر 🙂
لقينا حديقه صغيره جدام العماير وقعدنا نريح
خلصنا من القطاوه وصار وقت الجلابه عزكم الله
ههههههه
وجان نمشي لي جسر المشاه ونعبر لي البحر
الله ياكثر الصيادين ما شاء الله كل من قاط خيطه وينطر رزقه
جم قطوه بالصوره 😛
خوش بحر بس واااااايد زحمه وريحة المشاوي تصك الراس كل اللي بالبحر يشوون
وهذا يبيع يحليله شريت منه ماي بااااارد 😛
وعقب ما ملينا وكنا وايد بعيد قلنا ناخذ تاكسي ونرجع الفندق
وابشركم راعي التاكسي قالنا ترى راح تسمعون صوت بالسياره لانه قطوتي معاي
مانخلص من القطاوه
انتظروا اليوم السادس 🙂
Infinity Donut
وصلني الاسبوع اللي طاف حلو من مشروع يديد اسمه انفينيتي
علبه فيها ١٢ حبه من حلو كيكة الككاو بصلصتهم الخاصه
حلو بسيط بس لذيذ
For Order (WhatsApp) : 65755858
Instagram @InfinityDonut
My Trip to Turkey – Istanbul Day 5 رحلتي الى تركيا – اسطنبول اليوم الخامس – الجزء الاول
ادري وايد مصختها لما تكيسلت ومانزلت بوستات سفره تركيا اللي بيصير لها دهر هههه بس ميخالف عذروني الصور وايد وعيزت اصفيهم وماكو وقت
بس كاني رجعت لكم بهالبوست وان شاء الله بحاول هاليومين اخلص الموضوع كله
رابط اليوم الرابع – اضغط هنـا
اليوم الخامس كان يوم رجعتنا الى اسطنبول
طبعا العباره كانت الساعه ١٠ فماكو وقت سيدا من الفندق لي المينا
احلى شي عندهم وجود مكاين شحن الموبايلات كل مكان تلقونهم صج مايشحن الا ربع بس مفيدين
طبعا جناطنا يارينهم ورانا ولما وصلنا مكان الجناط شفت هالجنطه تشوق 🙂
بالعباره 🙂
تريقنا من الكافتيريا اللي بالعباره
جويهة اختي << ترى تمدح هالككاو على فستق
حسافه ماذقته
وصلنا ونزلنا جنيطاتنا
واتفقنا مع شركة السياحه اللي في بورصه انه يوفرولنا سياره كبيره في المينا تودينا فندقنا
ويانا واحد مع وليده يحليله شال غريضاتنا ووصلنا
صور بالطريج الى الفندق
فندقنا اسمه تايتنك بس ديروا بالكم اكو فندقين بهالاسم
هذا الحلو فيه انه وسط السوق يمه مجمعين وسوق والبحر تروحون له مشي بعد مو وايد بعيد
الغرف زينه ومرتبه
المنظر اللي تطل عليه غرفتي
يحليلهم حاطين قناة بالتلفزيون خاصه بس لفيلم تايتنك
استقبلونا بهالككاو النازك
انتظروا الجزء الثاني من اليوم الخامس قريبا
جديد : مروى بن صغير – عاشقين
مافي بعدي عاشقين .. مافي مافي متيمين
انا اكثر انسان اعشقك وانا اغرم من المغرمين
احب صوتك نبرتك شكلك كلامك ضحكتك
من كثر ما احبك انا عندي حنونه قسوتك
حبي انا مو بس كبير .. حبي انا موضوعه غير
خلاني ما اكون الا لك لو حتى حبك ما يصير
كلمات سعد المسلم
ألحان فهد الناصر
توزيع ربيع الصيداوي
قرمش مع قرمش
امس وصلتني نقصه طيبه من مشروع قرمش
شي لذيذذذذ وخفيف
خبز رقاق بنكهات متعدده
اللي وصلني ٣ انواع رقاق بالزعتر و سمسم بالزعفران و حبة حلوة
وكل وحده الذ من الثانيه
وبسكوت الزعتر
هالشي نااااااري وايد وايد لذيذ
طحناله بالدوام جاي وبسكوت زعتر
يم يم
For Order (WhatsApp) : 60994369
Instagram @Garmesh_kw
Review : Diner
الاسبوع اللي طاف كنت بايفنت بالتجاريه مع سويره وجاكي ولجين وبعد ماخلصنا قلنا نتعشى يميع واخترنا يكون عشانا في مطعم
Diner
مطعم يديد ماصار له وايد من فتح ومتخصصين في البرجر
المطعم عنونو في السرداب مرتب والمطبخ خارجي يعني تشوفون كل شي مثل اغلب مطاعم البرجر اللي افتحوا بالفتره الاخيره
المنيو يحوي ٦ انواع من البرجر اضافه لبعض الساندويتش والمقبلات
طلبنا ٣ انواع من الفرايز العادي والاندلس والمونستر
واول الواصلين كان
Andalouse Fries
فرايز وعليه جبن موزريلا وصلصه اندلسيه مع البيكن
Monster Fries
فرايز وعليه جبن شيدر ومونستر صوص مع البصل المكرمل
انا طلبت شيز برجر عاديه وكانت طيبه
والبنات طلبوا
Creamy Mushroom Burger
مدحوها
اما اللي الكل اجمع على انها حلوه وكانت اختيار فهد الابراهيم احد اصحاب المطعم هي
Havana Burger
وااااايد لذيذه
وبعد ما اكلنا وسولفنا وغيرنا جو ختمناها بقهوه
بس بقول الصج طلبنا القهوه علشان عاجبنا البيبر كب لووول بس طلع الاتيه هم طيب
Diner Located in Al Tejaria Tower, Alsoor St
Tel : 90091147
Instagram @DinerKw