GroupXen وصلتني دعوه مميزه محفور عليها اسم المدونه لحضور حفل افتتاح
وهو متجر كبير اسسته فرح البابطين يوجد فيه الكثير من الخدمات مثل الديكور و التصميم الداخلي والاثاث والاكسسوارات وتنسيق الازهار والتخطيط للايفنتات والحفلات وغير هذا يوجد داخل المتجر عدة علامات تجارية
CupCake, Mizensir, Frigerio مثل مهره و
استقبلونا بالقهوه وعقود الفل الخنينه
وبدينا نتجول في المكان .. بصراحه المكان اينن والورود والشموع بالمكان معطيته جو خاص
اتركم مع الصور 
Mizersir
علامه خاصه بالعطور المنزليه والشموع وريحتها جميله
Cupcake Boutique
قسم خاص لبعض الدراريع والملابس الخاصة بالاطفال والكبار وفي قطع لليهال خاصه للبحر وايد حلوة
مهــرة علامه خاصة بالكفتان او الدراريع
وهذي فرح البابطين صاحبة المكان بإحدى دراعات مهره
حبيت الكتابة بالخط العربي بالممر المؤدي لبوتيك مهره
وكانوا عارضين بس دراعتين في البوتيك الباجي مخشوش 🙂
GroupXen is Located in Al Tilal Mall, Shuwaikh
Tel : 22256120/30
Site Link
وصلتني دعوه الاسبوع اللي طاف من ادارة فندق جميرا شاطيء المسيلة لحضور ايفنت مخصص للمدونين لجولة حصرية داخل مرافق الفندق والمنتجع
سبق اني كتبت تقرير او بوست عن الفندق ومرافقة الاساسية بالتفصيل تقريباً علشان جذي هالتقرير بيكون للاشياء اللي ما انذكرت في البوست السابق .. اضغط هنــا
وصلنا الفندق بالموعد وما شاء الله كان اللوبي مزدحم فما صورت صوب الريسبشن
استقبلونا اسرة فندق جميرا شاطيء المسيلة ورحبوا فينا ما قصروا وكانت بداية جولتنا بالدور الرابع من الجناح الملكي او الرويال سويت واللي انفتح لأول مره مخصوص لاستقبال المدونين واول ما وصلنا ضيفونا بالعصاير البارده
الرويال سويت مكون من صاله وديوانية وغرفتين نوم وغرفة طعام 
اطلالة الرويال سويت على مرافق الفندق الرائعه
The Reef وبعدها وصلنا لقاعة
وهالقاعه بطابع الحياه في عالم ماتحت البحار .. وايد جميله ما شاء الله
وتقدرون تحجزونها بالكامل لليمعات او كديوانية او حتى للحفلات الصغيره
بعض الاماكن اللي مرينا فيهم اثناء الجولة
الكل لاحظ وحس بالحر اثناء الجولة في مرافق الفندق ان شاء الله يحلون مشكله السنترال خصوصاً انه مقبلين على فترة صيف وحر شديد
Soft Opening ندري الفندق ليلحين في مرحلة ال
بس هذي نقطة لازم تنذكر
بعض القاعات اللي تنحجز للدورات والاجتماعات
القاعه الاكبر في الفندق هي قاعة بدرية ماشاء الله كبيرررره 
وهذي بعض التجهيزات التكميليه اللي تكون مع القاعه 
الفكرة اليديدة اللي حبيتها وايد ومتأكده بتعجبكم ان القاعه فيها جناح كبير او لاونج خاص بالعروس
تخيلوا فيه كل تجهيزات الصالون وغرفة نوم و وسيع شرح ما شاء الله
والاحلى انه ممر الجناح بالكامل يطل على الصاله يعني العروس ماراح يفوتها اي شي من عرسها وتشوف الجميع وتستمتع وقت الانتظار قبل دخلتها
الفكره قوية جداً 
مرينا مكان مادري اي صوب بس عجبوني لوحات مكرم السامع الحمام 🙂
بصراحه ماصورت صوب المطاعم لأني ذاكرتهم بالتقرير السابق ولأني اذا سويت بوست عن مطعم احب اكون مرتاحه واصور على راحتي وهم انقل تجربتي بالكامل مع رايي بالاكل فسامحوني ماكو صور مطاعم يا قرائي الاعزاء 🙂 تابعوهم عند باقي الاصدقاء 🙂
كان ودنا نشوف الفلل اللي معاهم حمام سباحه خاص لكن كلهم محجوزين ماقدرنا نشوفهم
المهم بعد الجولة الداخليه واخيراً وصل دور للخارج
على حظنا كان الجو رطووووووووووووبه لكن ما يمنع التجول مع اني كنت افضل يكون التصوير الصبح خصوصاً ان الفندق على البحر
باختصار الفندق برا عجيييييييييييييييييييييييب حبيته اكثر من داخل بكل صراحه
شي صراحه رائع نوافير وحمامات سباحه وجاكوزي وخضرا وشغل عدل 
مع الرطوبه صج صج كنا نحتاج ماي وكان تعذيب انه نشوف حمامات السباحه عين بعين بدون ما نطب ههههههه
الحمام سباحه والالعاب الخاصه بالاطفال
البوفيه كان ناطرنا مع هالمناظر الحلوة
البوفيه كله حلو ماقصروا بس المشاوي كانت شي رهيب يعطيهم العافية 
كل الشكر لفندق جميرا شاطىء المسيلة على الدعوه والجولة الجميلة
Site Link
Tel : 22269600 / 222697000
Email : JMBinfo@jumeirah.com
Instagram @JumeirahMessilaBeach
وطن يا وطن يا وطن
بهجة الدنيا كلها لبهجتك
وفرحة الاعياد كلها لفرحتك
يا هنا من عاش عمره بدنيتك
عزيزه يا اغلى ويا احلى بلد
كل من سمع بإسمج بالدنيا شهد
يازينج بكل شي وانتي لي سند
سفير الاغنية الكويتية الفنان عبدالله الريشد بين كل فتره وفتره يمتعنا بأغنية وطنية جديدة
واغنية (وطن) اغنية خفيفة وجميله اضيفت لرصيده الكبير من الاغاني الوطنية الرائعه
غناء والحان الفنان عبدالله الرويشد
كلمات ساهر
توزيع عادل فرحان
اخراج اسلام مهنا
انتشرت في الكويت مؤخراً بعض الخدمات الجديدة اللي ما كنا نعرفها من قبل وآخر هذه الخدمات هي خدمة هدايا الزفاف في محل وليامز سونوما في الافنيوز
وليامز سونوما مكان تحتاج فيه العروس وايد اشياء من مستلزمات البيت والمطبخ والاثاث الراقي
وهالخدمه الله يسلمكم تسهل على الاهل والاصدقاء المقربين انهم يعرفون شنو اللي ناقص العروس من غريضات وعلشان ما اييبون شي مكرر او العروس مو بحاجته
تروح العروس وتسجل وتختار لسته كامله للاغراض اللي بخاطرها وبجذي اي احد من الاهل يروح هناك يسأل عن اللسته ويشوف الاشياء اللي يقدر ياخذها هدية وبمجرد ما يختاره ينشطب الغرض من اللسته علشان ما يتكرر الغرض مع احد ثاني
انا اول مره اصعد الدور الاول في المحل و وايد حبيت الاثاث والمناشف والاشياء الموجوده 
احلى شي انه عندهم خدمة المونغرام يعني تقدرون تطبعون على بعض القطع مثل الاواني المنزليه او الفوط وغيرها احرفكم او اساميكم او اي جمله تبون وتكون شخصية اكثر
وايد حبيت الهدية اللي مسوينها خاصه بإسمي 🙂
طقم مكون من قلاصين
للعصير وايد ناعمين وصج ذوقي 🙂
Thank you Williams-Sonoma team 🙂
Williams-Sonoma is Located in The Avenues, Grand Avenue
ايدن سبا فتحوا مؤخراً فرع جديد داخل هارفي نيكلز بالافنيوز (قراند افنيو) وتحديداً بقسم التجميل
اول ما تدخلون هارفي بتحصلونه على اليمين
المكان وايد مرتب و راقي والديكور ناعم والوانه هادية 
الاستقبال
المكان وايد مريح وشغل عدل حبيت طريقة القعده والالوان وكل شي كان ممتاز ما شاء الله
لاحظت كمية الاصباغ مو وايد لكن موفرين الالوان الاساسية والصيفيه الحلوة اليديدة والدارجه هالايام واحترت بين اكثر من لون
ضيفونا بالعصاير البارده
وصار وقت التدلع 🙂
اختارولي التريتمنت الخاص فيهم ومن كثر ما كنت دايخه حتى نسيت اسأل شنو اسم التريتمنت بس ريحته كانت اتينن على برتقال
وكانوا محضرين لنا ميني كانبيز من فيراندا شغل عدل
وايد حبيت دقتهم بالشغل و هدوئهم .. وايد حبوبين الستاف كلهم
شكراً ايدن سبا على الدعوة وفعلاً استمتعت بوجودي معاكم وفرحت بإفتتاح النيل سبا لان الافنيوز محتاج مكان نفس هذا راقي وشغله نظيف واكيد بتكون لي زيارات اخرى باذن الله
For Appointments Call : 22283235
Site Link Instagram @EdenSalonSpaKw