انتشرت في الكويت مؤخراً بعض الخدمات الجديدة اللي ما كنا نعرفها من قبل وآخر هذه الخدمات هي خدمة هدايا الزفاف في محل وليامز سونوما في الافنيوز
وليامز سونوما مكان تحتاج فيه العروس وايد اشياء من مستلزمات البيت والمطبخ والاثاث الراقي
وهالخدمه الله يسلمكم تسهل على الاهل والاصدقاء المقربين انهم يعرفون شنو اللي ناقص العروس من غريضات وعلشان ما اييبون شي مكرر او العروس مو بحاجته
تروح العروس وتسجل وتختار لسته كامله للاغراض اللي بخاطرها وبجذي اي احد من الاهل يروح هناك يسأل عن اللسته ويشوف الاشياء اللي يقدر ياخذها هدية وبمجرد ما يختاره ينشطب الغرض من اللسته علشان ما يتكرر الغرض مع احد ثاني
انا اول مره اصعد الدور الاول في المحل و وايد حبيت الاثاث والمناشف والاشياء الموجوده 
احلى شي انه عندهم خدمة المونغرام يعني تقدرون تطبعون على بعض القطع مثل الاواني المنزليه او الفوط وغيرها احرفكم او اساميكم او اي جمله تبون وتكون شخصية اكثر
وايد حبيت الهدية اللي مسوينها خاصه بإسمي 🙂
طقم مكون من قلاصين
للعصير وايد ناعمين وصج ذوقي 🙂
Thank you Williams-Sonoma team 🙂
Williams-Sonoma is Located in The Avenues, Grand Avenue
el post yaaa ebwagtaaaa thanks alot
you welcome 😀
سلام عليكم ورحمت الله
سوال خارج موضوع البوست ان شاء الله بلغد بنزور الكويت لمدة يومين ابي اعرف وين الاقي محلات اتبيع شغلات كويتيه من ملابس ودراريع حق رمضان مثل فورتشن كوكي وين مكانه واذا بعد في محلات ثانيه ممكن تساعدني على معرفة عناوينهم
شاكر حسن تعاونج مقدما
وعليكم السلام ورحمة الله وبركاته
اولا حياج الله بالكويت وان شاء الله تستمتعون بزيارتكم ديرتكم ومكانكم
بالنسبه لفورجن كوكي المحل الرئيسي بمجمع اولمبيا بالسالمية وعندهم مكان اصغر بس مافيه ملابس في الافنيوز قسم السوق القديم
اما الدراريع فتحصلونهم بوايد اماكن منها اكثر من محل في مجمع التلال بالشويخ بجانب هوم سنتر .. عندج محل اسمه مهره ودراريعه وايد حلوه بس وايد غاليه وعندج 52 ديقريز بتلقين عندهم دراريع وايد ومحل نوره الحذران وقروبجين كلهم موجودين في التلال
في الافنيوز بتلقين محل ترتر فيه دراريع بعد قريب من فورجن كوكي
وفيه عدة معارض يم بعض منهم كاريزما في الديره مقابل المستشفى الاميري
هذا اللي متذكرته حالياً وان شاء الله قدرت افيدج
مشكوووره اختى وماقصرتي وانشاء الله لي رد بعد لما اوصل الكويت
العفو 🙂
Comments are closed.