زرت يوم الجمعه اللي طافت صالون يديد في مرحلة السوفت اوبيننق اسمه
coiffeur
الصالون شرح مرتب وديكوره بسيط ومريح
والستاف وايد فريندلي
خبيرة الشعر عندهم من ايرلاندا وشغلها وايد حلو
والشي اليديد اللي عندهم وحبيته
انه عندهم غرفه برايفت مجهزه كامله للشعر والاظافر تقدرون تحجزونها اذا ماتبون تشوفون احد او بتاخذون راحتكم وماعليها اي تكلفه اضافيه يعني بس قيمه الاعمال اللي بتسوونها
الديكور يشوق سشوارات معلقه
مكان غسيل الشعر والماسكات
جربت ماسك ماي الورد شي خياااال ريحته اتينن صارلي يومين اتسبح وليلحين ريحة شعري خنينه
يصلح للشعر الجاف والمصبوغ ويخفف تساقط الشعر
مكان العناية بالاظافر
الكراسي حدهم مريحين جنكم قاعدين على قنفه في البيت
وعندهم انواع وايد من ماركات اصباغ الاظافر
يونيفورم اللي يشتغلون يونس كلهم اوفر اوول جينز
قدمولي منيو اختار شي اشربه
طلبت قهوة تركية
ويابولي ايباد خلوني اختار فيلم وثبتوه جدامي
اكو احلى من هالدلع 🙂
ويابوا العده سوولي مانيكير
شغلهم مرتب ووايد حلو
وبعد ماخلصوا سوولي مساج لريلي شغل عدل
كوافير في ميدان حولي مقابل المدرسه الامريكيه الدوليه
Tel : 25610635 – 98776108
Instagram @CoiffeurKw
