تلقيت دعوة من العزيزة الفنانه التشكيليه شيماء اشكناني لافتتاح معرضها الشخصي “حديث النساء” يوم الاربعاء الماضي
بس كان عندي ارتباط فمع الاسف ماقدرت احضر
مريت امس المعرض في قاعة احمد العدواني في ضاحية عبدالله السالم
لفت نظري ثيم المعرض
كل اللوحات على صور نساء طبعا من اسم المعرض يبين لكن ثمرة الرمان طاغية في اغلب اللوحات !
سألت شيماء فقالت لي انه قشر الرمان من بره صلب مثل المرأة قوية نم بره لكن بداخلها مثل الرمانه حبوب حمرا صغيره منها صلب ومنها لين تشكل مزيج من الثقافات النسائيه المتعددة لما تجتمع مع بعضها تسولف وتصرح وتعبر
وتشعر كنها صاحبة التاج اللي موجود اعلى ثمرة الرمان
الرمان كل مكان
اللوحات
هذي اكبر لوحه بالمعرض
اسمها النجوى حديث القلب
عطر السحاب
المعرض وايد حلو والوان اللوحات والثيم كان شي حلوو وفكرة رائعه
موفقه شيماء ومشكوره على الدعوه
Comments are closed.