تجهيزات رمضان على قدم وساق كل من يعد الايام لاستقبال شهر الخير الله يبغنا ياربي وياكم وكل حبايبنا والمسلمين
المهم فطومة العثمان صاحبة F2O
مسويه كولكشن كامل ويديد برسوماتها الحلوة خاص لرمضان
اشياء وايد .. لبس خاص للقرقيعان تيشيرتات مع جياسهم للبنات والصبيان وصواني تشوق مع علب الشكر وعلب خاصه للتي باق واطقم قهوة تركية واسبريسو وليبلات للجاي والقهوه وهم كوشيات يديدة
امس كنت عندها و خلتني اصور بعض القطع من الكولكشن اللي ان شاء الله بتنزله المحل يوم السبت الصبح
تيشيرتات مع جياسهم خاصة للقرقيعان
وين القرقيعان ؟ وسلم ولدهم 🙂 خاص حق الصبيان
وهم ما نست البنيات الحلوين .. وين القرقيعان ؟ وقرقيعان وقرقيعان 🙂
امممم والشي اللي كل حدي استانست عليه اهو الصواني خصوصاً اني كل سنة اغير طقم الجاي والقهوة حق رمضان ولازم اختار صينية تقون بألوان حلوة او فنكية .. مرة كانت على رقية وسبيجه ومره على اسم العايلة وبعض المرات اختارها نازكة بس لونها فاقع يشوق هوس صواني
المهم هالسنه صينيتنا بتكون من فاطمة وليلحين محتارة اي وحده اختار كلهم الوانهم تينن وكلهم الرسومات اللي عليهم تشوق وعلب الشكر روعه
هالعيوز زووووغه وتحجي انجليزي عشتوا
جاي يا صبي .. اللون الاصفر خطيرررررر حبيته
تفضل واشرب الشاهي نفس الاغنية المكتوبة على مطارتنا مالت العام اتينن 🙂
اغلب الظن اخذ هذي .. وردي وردي وردي اتيــــنن حبيتها وكلمة قندة تذكرني بعمتي حبيبتي كله تقولي قندتي الله يرفع عنها ويشفيها ياربي
ليبلات الجاي والقهوه اللي يتعلقون على المطاطير بعد حلوين يشوقون باخذ ام دله والجويهه ام ستكانه ام نقطه
الكوشيات اليدد على قاقوقا وغنيمة مرت سليمان بوالريش وذياب دايخ واي لوف جاي حليب واحبج كثر مايحب القطو الصبور ويمه كدي شعري
طبعا انا رايحه راده اجكجك والحبيب عسعوس اللذيذ ولد فاطمة الله يحفظه مو معطيني ويهه ولاهي مع بارني
وهذي بعد جم صورة من التيشيرتات اليديدة للشباب والبنات
لا تنسون تمرون السبت ترى البضاعه اللي منزلتها شوية يعني الحق لا تلحق 🙂
F2o Located at Burj Jasim
Site (Link) Twitter (@F2oDesigns)
