تمور بركة محل يديد توه فاتح من مدة قصيرة في الافنيوز (السوق) متخصص بالتمور الفاخرة
اول امس وصلتني منهم نقصة ما شاء الله اتينن وايد استانست فيها خصوصا اني من محبي التمور وهم شهر رمضان على الابواب ان شاء الله والتمر من اهم الاشياء الي تكون على الطاولة 🙂
جيسين كبار فيهم ما لذ وطاب في بوكسات وايد راقية .. صج نقصة ذربة وهدية سنعه اذا بتودونها لاحد
اول بوكس كان فيه تمور مختلفه مغلفة بككاو بمذاقات متعدده منها الزعفران وجوز الهند وقناش البرتقال واللافندر والرازبيري والقهوة
شي يديد لا فندر و قهوه مع التمر 🙂 حبيت التمازج اليديد
العلبة الثانية كانت وايد اكبر واثقل وفيها تمر محشي بأنواع مختلفة من الحشوات ,, مكسرات ورانجينا وفواكهه مجففه ورهش وقمر الدين وغيرهم
انا احب اللوز مع التمر غراااامي والرانجينا بعد من المحببين الى قلبي
ما شاء الله حبات التمر راهية وناطعه
اما هذا الشي فأهو جديدهم لشهر رمضان .. ككاو بأنواع مختلفه شي على ماي ورد وشي على عجينة الفستق والمستكه وشي على كستنه
ذقت الفستق مع المستكه وايد لذيذة
اما العلبة الاخيرة فكانت ثقيلة جدا جدا ولقيت فيها 4 جياس تمر من اجود انواع التمور المكبوسه واسمهم جواهر وسبائك
هالنوع يحبه الوالد و وايد استانس فيهم وبيكونون ضيوفنا على طاولة رمضان وقت الفطور باذن الله
كل الشكر لتمور بركة والاخت ساره على هالنقصة الكريمه .. اكرمج الله و موفقين يارب
Baraka Gourmet Dates is located in The Avenues, Phase 3, Old Souq
Tel : 22201100 -60305666
Instagram @Baraka_
2 comments
Comments are closed.